ព័ត៌មានអន្ដរជាតិ

Jom Phalang ប្រមូលអស់ពីខ្លួនសង Nawat ក្រោយមេ MGI សួរច្រំដែររឿងលុយមូលនិធិ

បានផុស

៩ ខែ មុន

នៅ

ថ្ងៃចន្ទ ២៧ តុលា ២០២៥

ដោយ

បុគ្គល Kan Jom Phalang នៅថ្ងៃទី ២៧ ខែតុលា ឆ្នាំ ២០២៥ បានបង្ហោះនៅលើទំព័រហ្វេសប៊ុកថា ពេលនេះលោកប្រមូលថវិកាផ្ទាល់ខ្លួនដែលនៅសល់ចំនួន ៥០,០០០ បាត សងទៅលោក Nawat Itsarakraisil ក្រោយមេ Miss Grand International (MGI) សួរដេញដោលដដែលៗច្រើនពេក ក្នុងអំឡុងពេលសន្និសីទសារព័ត៌មានអំពីកង្វះតម្លាភាពរបស់មូលនិធិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយពី thethaiger បុគ្គល Jom Phalang បានអះអាងថា «ឥឡូវនេះខ្ញុំបានផ្ទេរថវិកាផ្ទាល់ខ្លួនចំនួន ៥០,០០០ បាតទៅឲ្យលោក Nawat ដែលកន្លងមក បានស្នើសុំការបរិច្ចាគសម្រាប់មូលនិធិសង្គ្រោះព្រំដែន។ ខ្ញុំបានផ្ទេរថវិកាត្រឡប់ទៅគណនីដែលលោកបានបើកដើម្បីបរិច្ចាគទៅឲ្យយោធាវិញ អស់គ្មានសល់ហើយ»។

ថ្វីដ្បិតតែយ៉ាងនេះក្ដី នាពេលកន្លងមក មេ MGI ក៏បានបង្ហោះសារស្រដៀងគ្នានេះនៅលើហ្វេសប៊ុកផងដែរថា ខ្លួនមិនចង់បានថវិកាផ្ទាល់ខ្លួនរបស់ Jom Phalang ទេ ដោយចង់បានប្រាក់នោះមកវិញពីមូលនិធិមួយគត់។ ក្នុងនោះផងដែរ លោកបានបន្ថែមនៅក្នុងមតិយោបល់មួយថា «ដើម្បីរំដោះខ្ញុំពីការជាប់ពាក់ព័ន្ធ ខ្ញុំបានបញ្ជាក់យ៉ាងច្បាស់ថា ខ្ញុំមិនទទួលយកថវិកាផ្ទាល់ខ្លួនទេ។ វាផ្ទុយនឹងច្បាប់របស់ក្រុមហ៊ុនសាធារណៈ ខ្ញុំមានសិទ្ធិប្រគល់របស់របរដោយស្មោះត្រង់ អ្នកណាដែលឲ្យវាមកខ្ញុំ ខ្ញុំនឹងប្រគល់វាមកវិញ។ ខ្ញុំបានបញ្ជាក់យ៉ាងច្បាស់ថា ប្រាក់នោះត្រូវតែប្រគល់មកវិញតាមមូលនិធិតែប៉ុណ្ណោះ»។

ការសងប្រាក់វិញនេះធ្វើឡើង បន្ទាប់ពីសន្និសីទសារព័ត៌មានដើម្បីបំភ្លឺអំពីបញ្ហានៃការបរិច្ចាគដល់មូលនិធិរបស់ Jom Phalang កាលពីថ្ងៃទី ២៤ ខែតុលា។ ក្ក្នុងនាមជាអ្នកបរិច្ចាគ លោក Nawat បានចូលរួមក្នុងការសួរអំពីកង្វះតម្លាភាពរបស់មូលនិធិនិងភាពស្មោះត្រង់នៃការប្រើប្រាស់លុយទាំងនោះដោយរបៀបណា។

មិនតែប៉ុណ្ណោះ លោកបានចោទសួរថា ហេតុអ្វីលោកស្រី Kanchana Sathaworn ដែលជាប្រធាន និងជាអ្នកចុះហត្ថលេខាដែលមានសិទ្ធិ មិនដែលបង្ហាញខ្លួននៅក្នុងប្រព័ន្ធផ្សព្វផ្សាយ ដែលនាំឲ្យសាធារណជនយល់ច្រឡំថា Jom Phalang (ដែលគ្រាន់តែជាទីប្រឹក្សា) គឺជាម្ចាស់មូលនិធិទៅវិញ។ លោក Nawat បាននិយាយថា សកម្មភាពនេះស្មើនឹងការប្រើប្រាស់ Kan Jom Phalang ជាអ្នកនាំមុខ និងធ្វើរឿងមិនល្អណាមួយនៅជួរដ្ធាភិបាលថៃ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖