ព័ត៌មានអន្ដរជាតិ
មន្ត្រីជាន់ខ្ពស់រុស្ស៊ីលើកឡើងពីសក្តានុពលស្តារសេដ្ឋកិច្ចសកលរួមគ្នាជាមួយអាមេរិក
មន្ត្រីជាន់ខ្ពស់រុស្ស៊ី បានរិះគន់សហរដ្ឋអាមេរិកលើការរៀបចំកិច្ចសហប្រតិបត្តិការសេដ្ឋកិច្ចដ៏មានសក្តានុពលឆ្ពោះទៅការបញ្ចប់សង្គ្រាមប្រឆាំងអ៊ុយក្រែន ខណៈការចរចានៅតែជាប់គាំង។
យោងតាមភ្នាក់ងារសារព័ត៌មានរ៉យទ័រ ផ្សាយនៅថ្ងៃទី២៧ខែមីនា អ្នកនាំពាក្យវិមានក្រឹមឡាំង លោក Dmitry Peskov បាននិយាយថា វិធីសាស្រ្តរបស់ទីក្រុងវ៉ាស៊ីនតោនគឺខុស ហើយប៉ះពាល់ដល់ផលប្រយោជន៍សេដ្ឋកិច្ចរបស់រុស្ស៊ី និងអាមេរិក។
លោក Peskov ត្រូវបានស្រង់សម្តី ដូចនិយាយថា៖ « យើងកំពុងខ្ជះខ្ជាយពេលវេលា ហើយក្រុមហ៊ុនអាមេរិកក៏ដូចជាក្រុមហ៊ុនរបស់យើង កំពុងបាត់បង់ប្រាក់ចំណេញដែលពួកគេអាចរកបាន»។
ការលើកឡើងរបស់ លោក Peskov បានកើតឡើង ខណៈទីក្រុងមូស្គូបន្តបង្ហាញចំណាប់អារម្មណ៍ក្នុងការចូលរួមស្តារសេដ្ឋកិច្ចឡើងវិញជាមួយសហរដ្ឋអាមេរិក ទោះបីជាមានអរិភាពជាបន្តបន្ទាប់ក៏ដោយ។ មន្ត្រីរុស្ស៊ីបានលើកកម្ពស់គំនិតនៃគម្រោងរួមគ្នាទ្រង់ទ្រាយធំ ខណៈនៅតែរក្សាជំហរចរចាបច្ចុប្បន្នរបស់ពួកគេជាមួយអ៊ុយក្រែន។
ចំណែក លោក Kirill Dmitriev បេសកជនរុស្ស៊ីដែលបានចូលរួមក្នុងការពិភាក្សាជាមួយតំណាងដែលមានទំនាក់ទំនងជាមួយប្រធានាធិបតីអាមេរិក លោក ដូណាល់ ត្រាំ បាននិយាយថា រុស្ស៊ីមានឥទ្ធិពលនៅក្នុងកិច្ចពិភាក្សាដើម្បីអភិវឌ្ឍលើវិស័យសេដ្ឋកិច្ចសកល។
លោក Dmitriev លើកឡើងថា៖ «រុស្ស៊ីមានជំហររឹងមាំបំផុត និងមានធនធានដ៏មានឥទ្ធិពលបំផុត។ អ្វីៗគ្រប់យ៉ាងនឹងត្រូវធ្វើឡើង តែលើលក្ខខណ្ឌរបស់រុស្ស៊ីប៉ុណ្ណោះ»។
យោងតាមកាសែត Financial Times នៅថ្ងៃទី២៧ ខែមីនា មេដឹកនាំរុស្ស៊ី លោក វ្ល៉ាឌីមៀ ពូទីន (Vladimir Putin) បានស្នើសុំឱ្យពួកអ្នកមានអំណាចចូលរួមវិភាគទានរាប់ពាន់លានដល់ថវិការដ្ឋ ដើម្បីរក្សាការចំណាយលើសង្គ្រាម។
ការណ៍នេះបង្ហាញថាជាសញ្ញានៃសម្ពាធកាន់តែខ្លាំងឡើងលើសេដ្ឋកិច្ចរបស់រុស្ស៊ី ចំពេលមានអត្រាការប្រាក់ខ្ពស់ ការវិនិយោគធ្លាក់ចុះក្នុងប្រទេសនេះ៕
ប្រែសម្រួល៖ ណឺ មិនា
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង