វេជ្ជបណ្ឌិតព្រមានគ្រោះថ្នាក់ចំពោះស្ត្រីលេបថ្នាំពន្យារកំណើត មុនពេលចាក់វ៉ាក់សាំងកូវីដ

វេជ្ជបណ្ឌិត Siraya Kitiyodom អ្នកជំនាញផ្នែកសម្ភពនៅមន្ទីរពេទ្យ Maharat Nakhon Ratchasima ប្រទេសថៃនិយាយថា ថ្នាំពន្យារកំណើតអាចបង្កហានិភ័យនៃការកកឈាម ហើយស្ត្រីគួរពិចារណាបញ្ឈប់ការប្រើថ្នាំនេះ មុនពេលទទួលការចាក់វ៉ាក់សាំងការពារកូវីដ-១៩  ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត Siraya Kitiyodom មានប្រសាសន៍ថា ស្ត្រីដែលកំពុងលេបថ្នាំពន្យារកំណើតមានហានិភ័យខ្ពស់ក្នុងការកើតមានកំណកឈាមជាងអ្នកដែលមិនប្រើសោះ ព្រោះថ្នាំគ្រាប់នេះផ្ទុកនូវអរម៉ូនដែលអាចធ្វើឱ្យឈាមកក។

ត្បិតតែមកទល់ពេលនេះ មិនទាន់មានភ័ស្តុតាងណាមួយដែលបញ្ជាក់អំពីផលប៉ះពាល់អវិជ្ជមាននៃវ៉ាក់សាំង Covid-19 ទៅលើសុខភាពស្ត្រីដែលប្រើថ្នាំគ្រាប់នេះក៏ដោយ ក៏ប្រទេសអឺរ៉ុបមួយចំនួនបានព្រមានឱ្យពន្យារពេលទទួលការចាក់វ៉ាក់សាំងសិន រហូតឥទ្ធិពលថ្នាំបានថយចុះ យ៉ាងហោចក៏មួយខែដែរ។

លោកស្រីវេជ្ជបណ្ឌិតរូបនេះបន្ថែមថា ចំពោះអ្នកមានការព្រួយបារម្ភអំពីផលប៉ះពាល់សុខភាពអាចពិចារណាឈប់ប្រើថ្នាំមួយរយៈ ឬប្រើវិធីពន្យារកំណើតផ្សេងទៀត ដើម្បីចៀសវាងគ្រោះថ្នាក់។

ដោយឡែក លោក Thiravat Hemachudha ប្រធានមជ្ឈមណ្ឌលវិទ្យាសាស្ត្រសុខាភិបាលនៃសាកលវិទ្យាល័យ Chulalongkorn ក៏បានបញ្ជាក់នៅលើទំព័រហ្វេសប៊ុករបស់ខ្លួនអំពីថ្នាំមួយចំនួនដែលគួរចៀសវាង មុនពេលទទួលការចាក់វ៉ាក់សាំង។ ក្នុងនោះលោកសរសេរថា ពលរដ្ឋគួរតែបញ្ឈប់ការប្រើថ្នាំព្យាបាលរោគប្រកាំង ឬថ្នាំដែលមានឥទ្ធិពលស្រដៀងគ្នា ទោះបីជាមានហានិភ័យតិចតួចនៃការផលប៉ះពាល់ បន្ទាប់ពីទទួលបានវ៉ាក់សាំង Covid-19 ក៏ដោយ។

ចំណែកស្ត្រីដែលកំពុងប្រើថ្នាំពន្យាកំណើត គួរតែផ្អាកលេបថ្នាំនេះយ៉ាងហោចណាស់ ១៤ ថ្ងៃ មុនពេលចាក់វ៉ាក់សាំង៕

ប្រែសម្រួល៖ សន្យា

ប្រភព៖ Bangkok Post

ចុចអាន៖ ផលប្រយោជន៍ល្អឥតខ្ចោះ! ម្តាយចាក់វ៉ាក់សាំងកូវីដរួច អាចផ្តល់អង់ទីគ័រដល់កូន តាមរយៈការបំបៅដោះ

ចុចអាន៖ កុំព្រួយ! វ៉ាក់សាំងកូវីដ-១៩ មិនប៉ះពាល់ដល់វដ្តរដូវស្ត្រីទេ