ព័ត៌មានអន្ដរជាតិ
ដើមចមដែលប្រជាជនឥណ្ឌា មានជំនឿងប់ងុលខ្លាំង លើទឹកនោម និងលាមកគោ
ឥណ្ឌាគឺជាប្រទេសធំលំដាប់ទី ២ មានប្រជាជននៅលើពិភពលោក ដែលមានប្រជាជនជាង ១.៣ ពាន់លាននាក់ ហើយប្រហែលជា ៨០ភាគរយ នៃប្រជាជនសរុបជឿលើសាសនាហិណ្ឌូ។
ចំណែកសត្វគោមិនត្រូវបានគេចាត់ទុកថាជាព្រះទេ ប៉ុន្តែគោមានទំនាក់ទំនងជាមួយ Aditi ដែលជាមាតានៃព្រះទាំងអស់ដែលបានពិពណ៌នានៅក្នុងគម្ពីរហិណ្ឌូបុរាណ។ ភាពបរិសុទ្ធរបស់គោគឺចាក់ឫសយ៉ាងជ្រៅនៅក្នុងអារម្មណ៍ និងសុបិនធ្វើឲ្យពួកគេជឿថា ការការពារនិងថែរក្សាគោគឺជាកាតព្វកិច្ចខាងសាសនា។
ការសម្លាប់និងបរិភោគសាច់គោ គឺជាអំពើបាបមួយ។ ប្រព័ន្ធសាសនាហិណ្ឌូបានផ្ដល់តម្លៃយ៉ាងខ្លាំងទៅលើសត្វគោ។ ពួកគេជឿជាក់ថា អនុផលសត្វគោដូចជាលាមកសត្វនិងទឹកនោមគឺជាភ្នាក់ងារបន្សុទ្ធ។ ជាពិសេសគឺលាមកត្រូវបានប្រើដើម្បីសំអាតគេហដ្ឋាន សម្រាប់ពិធីសូត្រធម៌និងជាជាថ្នាំព្យាបាលរោគយ៉ាងពូកែសក្ដិសិទ្ធិ។
សូម្បីតែស្ថាប័នរដ្ឋាភិបាលបានអះអាងថា ជំងឺស្បែករបកក្រហម ជំងឺស្បែករលាកសន្លាក់ រលាកឃ្លង់ជាដើម អាចព្យាបាលបានដោយទឹកដោះ លាមក និងទឹកនោមរបស់គោ។
ស្របពេលកូវីដកំពុងឆ្លងរាលដាលនៅឥណ្ឌា ប្រជាជននៅប្រទេសនេះកំពុងប្រើប្រាស់ថ្នាំក្នុងស្រុកជាច្រើន ដើម្បីឆ្លើយតបនឹងជំងឺដែលកំពុងរាតត្បាតយ៉ាងគំហុក។ តួយ៉ាងដូចជា Ram Mangal Das ដែលជាម្ចាស់ជម្រកសត្វគោនៅ Delhi ជឿជាក់ថា ការផឹកទឹកនោមគោឬលាកមកគោ គឺជាផ្នែកមួយនៃប្រព័ន្ធថ្នាំបុរាណរបស់ឥណ្ឌា ដែលអាចជួយការពារការឆ្លងកូវីដ ១៩ ។
នៅរដ្ឋ Gujarat នៅភាគខាងលិចនៃប្រទេសឥណ្ឌា មនុស្សមួយចំនួនបានទៅជំរំសត្វគោម្ដងក្នុងមួយសប្ដាហ៍ ដើម្បីយកខ្លួនគេទៅប្រឡាក់ជាមួយលាមកគោនិងផឹកទឹកនោម ដោយសង្ឃឹមថាវានឹងជួយបង្កើនភាពស៊ាំឬជួយពួកគេឲ្យជាសះស្បើយពីជំងឺកូវីដបានលឿន។ សមាជិកខ្លះនៃគណបក្សជាតិនិយមហិណ្ឌូ បានទាមទារឲ្យប្រជាជនផឹកទឹកនោមគោនិងលាមកដែលអាចការពារនិងព្យាបាលជំងឺកូវីដបានទៀតផង។
ទោះជាមានប្រជាជនខ្លះមានជំនឿនិយមជាមួយសត្វគោក៏ដោយ អ្នកជំនាញក៏បាននិយាយថា មិនមានភស្តុតាងដែលថាទឹកនោមគោឬលាមកគោ អាចការពារការឆ្លងកូវីដបានទេ។
វេជ្ជបណ្ឌិត Harjit Singh Bhatti ជាវេជ្ជបណ្ឌិតនៅវិទ្យាស្ថានវិទ្យាសាស្ត្រឥណ្ឌាអះអាងថា រដ្ឋាភិបាលបានលើកកម្ពស់ការអនុវត្ត ដើម្បីរក្សាមនុស្សដែលជាប់ក្នុងអប្បិយជំនឿ ដូច្នេះពួកគេមិនទាមទារថ្នាំឬចាក់វ៉ាក់សាំងដូចប្រទេសផ្សេងឡើយ៕
ប្រែសម្រួល៖ សាង ស្រីល័ក្ខ
ប្រភព៖CGTN / sky/ onlinelibrary
ចុចអាន៖ឥណ្ឌា ប្រើវិធីសាស្រ្តចម្លែក ដេញជើងអ្នកមិនព្រមចាក់វ៉ាក់សាំងកូវីដ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា