“សង្គ្រាមបច្ចេកវិទ្យា” រវាងអាមេរិក និងចិន កំពុងធ្វើឲ្យពិភពលោកខាតបង់

សហរដ្ឋអាមេរិកបានព្យាយាមទប់ស្កាត់ការកើនឡើងរបស់ប្រទេសចិន នៅក្នុងអ្វីដែលគេហៅថា “សង្គ្រាមបច្ចេកវិទ្យា” ហើយវាកំពុងក្លាយជាសមរភូមិប្រកួតប្រជែងរវាងប្រទេសទាំងពីរ ។ នេះបើយោងតាមអត្ថបទរបស់សារព័ត៌មាន ABC របស់អូស្ត្រាលីនាពេលថ្មីៗនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទនោះបាននិយាយថា ប្រទេសចិនបានវិនិយោគយ៉ាងច្រើនលើផ្នែកបច្ចេកវិទ្យា AI បច្ចេកវិទ្យារ៉ូបូត បណ្ដាញ 5G និង 6G មីក្រូឈីប និងបច្ចេកវិទ្យាឃ្លាំមើលក្នុងប៉ុន្មានឆ្នាំថ្មីៗនេះ ហើយឈានដល់កម្រិតមួយយ៉ាងលឿន ខណៈដែលសហរដ្ឋអាមេរិកមានបច្ចេកវិទ្យានេះជាយូរមកហើយ ។

បច្ចុប្បន្ន សហរដ្ឋអាមេរិកបាននិងកំពុងព្យាយាមទប់ស្កាត់ ការអភិវឌ្ឍរបស់ចិននៅក្នុងឧស្សាហកម្មបច្ចេកវិទ្យា ។ ប្រទេសនេះបានហាមឃាត់បណ្តាញ 5G របស់ក្រុមហ៊ុន Huawei នៅក្នុងប្រទេស និងបានរារាំងក្រុមហ៊ុនអាមេរិកធំៗ ពីការផ្គត់ផ្គង់កម្មវិធី Software និងគ្រឿងបន្លាស់ដល់ក្រុមហ៊ុនបច្ចេកវិទ្យាចិន ។

ទោះយ៉ាងណាក្រុមអ្នកវិភាគព្រមានថា ការប៉ះទង្គិចគ្នាបែបនេះនឹងធ្វើឲ្យ “វាំងននដែកឌីជីថល” កាន់តែធ្ងន់ធ្ងរឡើងរវាងលោកខាងលិច និងប្រទេសចិន ។

ជាចុងក្រោយសេចក្តីរាយការណ៍នោះនិយាយថា “សង្គ្រាមបច្ចេកវិទ្យា កំពុងមានគ្រោះថ្នាក់ទាំងសងខាង ហើយវានឹងធ្វើឲ្យពិភពលោកខាតបង់” ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA