ព័ត៌មានអន្ដរជាតិ
ទីក្រុងប៉េកាំង សម្រេចបានការចាក់វ៉ាក់សាំងកូវីដជាង ៩០ ភាគរយហើយ
ទិន្នន័យរបស់រដ្ឋាភិបាលក្រុងប៉េកាំងបានបង្ហាញថា ទីក្រុងប៉េកាំងរបស់ប្រទេសចិន សម្រេចបានការចាក់វ៉ាក់សាំងការពារជំងឺកូវីដ ១៩ ជិត ៩១ ភាគរយហើយនៃប្រជាជនពេញវ័យរបស់ខ្លួន ។
អាជ្ញាធរក្រុងបាននិយាយតាមរយៈប្រព័ន្ធផ្សព្វផ្សាយសង្គម កាលពីថ្ងៃព្រហស្បតិ៍ថា ប្រជាជនប្រមាណ ១៧.៧ លាននាក់ ឬ ៩០.៨ ភាគរយនៃប្រជាជនពេញវ័យនៅក្នុងទីក្រុងប៉េកាំង ត្រូវបានចាក់វ៉ាក់សាំងគិតត្រឹមថ្ងៃទី ២១ ខែកក្កដា ខណៈចំនួននេះស្មើនឹង ៨០.៨ ភាគរយនៃប្រជាជនសរុបរបស់ខ្លួនចំនួន ២១.៩ លាននាក់ ។
ទន្ទឹមនោះ ការចាក់វ៉ាក់សាំងពេញ ២ ដូសដល់មនុស្សពេញវ័យ នៅក្នុងទីក្រុងធំៗផ្សេងទៀតរបស់ប្រទេសចិន ក៏មានសន្ទុះគួរឲ្យកត់សម្គាល់ផងដែរ ពោលទីក្រុងសៀងហៃ និងអ៊ូហាន មានអត្រាលើស ៨០ ភាគរយ ។
បន្ថែមពីនេះ ប្រទេសចិនបាននិយាយកាលពីថ្ងៃព្រហស្បតិ៍ថា ខ្លួនបានប្រើប្រាស់វ៉ាក់សាំងការពារជំងឺកូវីដ ១៩ ចំនួន ១.៤៩ ពាន់លានដូស គិតត្រឹមថ្ងៃទី ២១ ខែកក្កដា ប៉ុន្តែមិនបានបង្ហាញពីទិន្នន័យទូទាំងប្រទេស អំពីចំនួនមនុស្សដែលបានចាក់វ៉ាក់សាំងពេញ ២ ដូសនោះទេ ។
ស្របពេលជាមួយគ្នានេះ លោក Zeng Yixin អនុប្រធានគណៈកម្មការសុខភាពជាតិ (NHC) បានប្រាប់ទីភ្នាក់ងារសារព័ត៌មានស៊ីនហួកាលពីខែមុនថា ប្រទេសចិនរំពឹងថានឹងចាក់វ៉ាក់សាំងយ៉ាងហោចណាស់ ៧០ ភាគរយដល់ក្រុមមនុស្សគោលដៅនៅចុងឆ្នាំនេះ ។
ជាចុងក្រោយលោក Zeng បាននិយាយថា ប្រទេសចិនមានគោលបំណងឈានដល់ការសម្រេចបាន ការចាក់វ៉ាក់សាំងយ៉ាងតិច ៩១.២ ភាគរយ សម្រាប់អ្នកដែលមានអាយុលើសពី ១២ ឆ្នាំនៅពាក់កណ្តាលឆ្នាំនេះ ៕
ប្រែសម្រួលដោយ ៖ ជីវ័ន្ត
ប្រភព ៖ REUTERS
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore