ថៃមានជនឱកាស​និយម​លក់ថ្នាំប្រមាត់មនុស្សព្យាបាលកូវីដក្លែងក្លាយ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ថៃមានជនឱកាស​និយម​លក់ថ្នាំប្រមាត់មនុស្សព្យាបាលកូវីដក្លែងក្លាយ

បានផុស

នៅ

អាជ្ញាធរ​បាន​ព្រមាន​ដល់​អ្នក​ប្រើ​ប្រាស់​អំពី​ថ្នាំ​គ្រាប់​​ផលិត​ពី​ស្មៅ​ប្រមាត់​មនុស្សក្លែង​ក្លាយ បន្ទាប់​ពី​បុរស​ម្នាក់​ត្រូវ​បាន​ចាប់​ខ្លួន​​ជា​មួយ​ងថ្នាំ​ក្លែង​ក្លាយ​នៅ​ខេត្ត Nakhon Pathom ចំពេល​​ដែល​ថ្នាំនេះ​កំពុង​មាន​តម្រូវ​ការ​ខ្ពស់​​សម្រាប់​ព្យាបាល​ជំងឺ​កូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋាន​ប៉ូលិស​ការពារ​អ្នក​ប្រើ​ប្រាស់ និង​រដ្ឋបាល​ចំណី​អាហារ និង​ឱសថ​បាន​ឲ្យ​ដឹង​ថា​ កាល​ពី​ថ្ងៃ​ចន្ទ​ បុរស​ឈ្មោះ Thanachote ត្រូវ​បាន​ចាប់​ខ្លួន​នៅ​ក្នុង​ផ្ទះ​មួយនៅ​ស្រុក Kamphaeng Saen ខេត្ត Nakhon Pathom។

នៅ​ពេល​ចាប់​ខ្លួន មន្ត្រី​បាន​រក​ឃើញ​កំប៉ុង​ថ្នាំ​គ្រាប់​ចំនួន​៤៥០​​​ដែល​អះ​អាង​ថា​ជា​ថ្នាំ​ផលិត​ពីស្មៅ​ប្រមាត់​មនុស្ស ថ្នាំ​គ្រាប់​ប្រហែល​ជា​ ៦០ ០០០​គ្រាប់មាន​ផ្ទុក​ម្សៅ កញ្ចប់​ថ្នាំគ្រាប់ដែល​អត់​ស្លាក់​សំគាល់​៣០០ និង​ដប​ទទេ​មានគម្រប​៦០០០។ ពួក​គេ​ជឿថា ទាំង​នេះ​ជា​ថ្នាំ​​គ្រាប់​ផលិត​ពី​ស្មៅ​ប្រមាត់​មនុស្ស​ក្លែង​ក្លាយ​ដែល​ផលិត​នៅ​ក្នុង​ផ្ទះតែ​ម្តង។

ជន​សង្ស័យ​បាន​សារភាព​ថា ខ្លួន​បាន​ច្រក​ម្សៅ tinospora crispa ចូល​ក្នុង​គ្រាប់​ថ្នាំ ស្មៅ​ព្រះ​ចន្ទ​ដែល​មាន​ស្លឹក​ដូច​បេះ​ដូង​ចាប់​តាំង​ពី​ប្រទេស​ថៃ​បាន​ធ្វើ​តេស្ត​ថ្នាំ​គ្រាប់​ប្រមាត់​មនុស្ស​ដើម្បី​ព្យាបាល​កូវី។

អគ្គលេខាធិការ​រង​ស្តីទី ​រដ្ឋបាល​ចំណី​អាហារ និង​ឱសថ​បាន(FDA) អ្នក​ស្រី Supatra Boonserm បាន​និយាយ​ថា ផលិតផល​ស្មៅ​ប្រមាត់​មនុស្ស​ខ្វះ​ខាត​ចំពេល​ដែលមាន​​តម្រូវ​ការ​ខ្ពស់​​ដែល​នាំ​ឲ្យ​កើត​មាន​ផលិត​ផល​ក្លែង​ក្លាយ។

អ្នក​ស្រីបានប្រាប់​ប្រជា​ជន​ឲ្យ​ពិនិត្យ​មើល​ផលិតផល​ដែល​ត្រូវ​បាន​អនុម័ត​ដោយ FDA មុន​ពេល​ទិញ​យក​ទៅ​ប្រើ​ប្រាស់។

លោក​ Nathasak Chaonasai ស្នងការនាយកដ្ឋាន​ប៉ូលិស​ការពារ​អ្នក​ប្រើ​ប្រាស់​បាន​និយាយ​ថា អ្នក​ផលិត​ថ្នាំក្លែង​ក្លាយ​នឹង​ប្រឈម​ជាប់​ពន្ធនាគារ​១០​ឆ្នាំ និង​ពិន័យ​ជា​ប្រាក់១​លាន​បាត។ សម្រាប់​អ្នកលក់​ថ្នាំ​ក្លែង​ក្លាយ​ប្រឈម​នឹង​ជាប់​ពន្ធនាគារ​៣​ឆ្នាំ និង​ពិន័យ​ជា​ប្រាក់៣០​ម៉ឺន​បាត។

កាល​ពី​សប្តាហ៍​មុន គណៈ​រដ្ឋ​មន្ត្រី​ថៃ​បាន​អនុម័ត​ជា​ផ្លូវ​ការ​ដើម្បី​ប្រើ​ប្រាស់​ថ្នាំ​ផលិត​ពី​ស្មៅ​ប្រមាត់​មនុស្ស​ព្យាបាល​អ្នក​ជំងឺ​កូវីដ-១៩៕

ប្រែ​សម្រួល៖ វីរបុត្រ
ប្រភព៖ bangkokpost

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

Update ស្ថានភាព​អគ្គិភ័យ​ឆេះ​ឃ្លាំង​រោងចក្រ​នៅ​ស្រុក​គងពិសី គ្រប់គ្រង​បាន​ទាំងស្រុង សម្ភារៈ និង​ទ្រព្យសម្បត្តិ​ក្នុង​ឃ្លាំង​ខួច​ខាត​ទាំង​ស្រុង

ព័ត៌មានជាតិ៦ ម៉ោង មុន

USAID បន្ថែម​ទឹកប្រាក់​៥ លាន​ដុល្លារ​ទៀត សម្រាប់​អ្នក​រស់រាន​មាន​ជីវិត​ពី​របប​ខ្មែរក្រហម

ចរាចរណ៍៦ ម៉ោង មុន

ម៉ូតូ​ចាប់​ហ្វ្រ័ង​អក​ស្សឺ​ជង្ហុក ​ត្រូវ​រថយន្តបុក​ពីក្រោយ​របួស​បាក់​ជើង​ម្ខាង

ព័ត៌មានជាតិ៧ ម៉ោង មុន

កម្មវិធី Pleng និង​ក្រុមហ៊ុន កូ​កា កូ​ឡា សហការគ្នា​ក្នុង​យុទ្ធ​ការ “​បញ្ចេញ​ភាពរស់រវើក​របស់​អ្នក​” ជាមួយនឹង​បទ​ចម្រៀង​ផ្ដាច់មុខ និង​រង្វាន់​ជាច្រើន​ផ្សេងទៀត​

ព័ត៌មានជាតិ៧ ម៉ោង មុន

បុរស​ម្នាក់​ខូចចិត្ត​លោតទឹក​សម្លាប់​ខ្លួន នៅ​ចំណុច​ស្ពាន​ស្រែ​ពក​លំផាត់ ដោយសារ​គូរ​ស្នេហ៍​ភ្ជាប់ពាក្យ​ចោល

Sokha Hotels

ព័ត៌មានពេញនិយម

Helistar Cambodia - Helicopter Charter Services