ព័ត៌មានអន្ដរជាតិ

កិច្ចខិតខំប្រឹងប្រែងចាក់វ៉ាក់សាំងកូវីដ បានជួយសង្គ្រោះជីវិតមនុស្សជាង ១៤០,០០០ នាក់នៅអាមេរិក

បានផុស

៥ years មុន

នៅ

ថ្ងៃសុក្រ ២០ សីហា ២០២១

ដោយ

កិច្ចខិតខំប្រឹងប្រែងដើម្បីចាក់វ៉ាក់សាំងដល់មនុស្សចាស់ និងក្រុមហានិភ័យដទៃទៀតប្រឆាំងនឹងកូវីដ -១៩ បានជួយសង្គ្រោះជីវិតមនុស្សជិត ១៤០,០០០ នាក់ និងការពារការឆ្លងជាង ៣ លាននាក់ រហូតដល់ពាក់កណ្តាលខែ ឧសភា ។ នេះបើយោងតាមការវិភាគរួមគ្នា ដែលបានចេញផ្សាយកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅសប្ដាហ៍ទី ២ នៃខែ ឧសភា មនុស្សជាង ១៥៦ លាននាក់នៅសហរដ្ឋអាមេរិក បានទទួលវ៉ាក់សាំងការពារពីរដងយ៉ាងតិចមួយពី Moderna និង Pfizer ហើយជិត ១២២ លាននាក់នៃពួកគេបានទទួលថ្នាំបង្ការពេញលេញ ដោយយោងតាមមជ្ឈមណ្ឌលគ្រប់គ្រងនិងបង្ការជំងឺ (CDC) បានបញ្ជាក់។

ទិន្នន័យថ្មីពី RAND Health Care បានបង្ហាញថា ទោះបីជាតួលេខចុងក្រោយនេះ បង្កើតបានតែជាង ៣៥ភាគរយ នៃចំនួនប្រជាជនរបស់ប្រទេសក៏ដោយ វាគ្រប់គ្រាន់ដើម្បីការពារការស្លាប់ជិត ១៤០,០០០ នាក់ ដែលបណ្ដាលមកពីវីរុសកូវីដ – ១៩។ អ្នកស្រាវជ្រាវ RAND បាននិយាយថា រដ្ឋជាមធ្យមជួបប្រទះការស្លាប់តិចជាង ៥ ដង ពីវីរុស ក្នុងចំណោមប្រជាជនពេញវ័យ ១០,០០០ នាក់។

បើតាមការបញ្ជាក់ពី CDC គិតត្រឹមថ្ងៃអង្គារ មនុស្សជិត ១៦៩ លាននាក់នៅសហរដ្ឋអាមេរិក ត្រូវបានចាក់វ៉ាក់សាំងពេញលេញ មានន័យថា ពួកគេបានទទួលវ៉ាក់សាំងការពារពីរដង ឬវ៉ាក់សាំង Johnson & Johnson តែមួយដងបានគ្រប់គ្រាន់៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖អាមេរិក ចេញចំណាត់ការរកភស្តុតាងចាក់វ៉ាក់សាំង អ្នកល្មើសច្បាប់នឹងរងពិន័យធ្ងន់ធ្ងរ

ចុចអាន៖លួចកាតចាក់វ៉ាក់សាំងពី CDC ទៅលក់ ឱសថការីអាមេរិក ប្រឈមជាប់ពន្ធនាគារ ១២០ឆ្នាំ

Related Topics:សហរដ្ឋអាមេរិក