ព័ត៌មានអន្ដរជាតិ

នាយករដ្ឋមន្ត្រីស្ត្រីដំបូងស៊ុយអែតកាន់តំណែងបានមិនដល់១២ម៉ោងលាលែង

បានផុស

៥ years មុន

នៅ

ថ្ងៃព្រហស្បតិ៍ ២៥ វិច្ឆិកា ២០២១

ដោយ

នាយករដ្ឋមន្ត្រីស្ត្រីដំបូងប្រទេសស៊ុយអែតរបស់គណបក្សសង្គមប្រជាធិបតេយ្យ លោកស្រី Magdalena Andersson បានលាលែងពីតំណែង បន្ទាប់ពីចូលកាន់តំណែងជានាយករដ្ឋមន្ត្រីបានមិនដល់១២ម៉ោងផង ក្រោយពេលគណបក្សបៃតង (Green Party) បានដកខ្លួនចេញពីសម្ព័ន្ធភាពចម្រុះដែលមាន២គណបក្សបានធ្វើឲ្យនយោបាយមិនប្រាកដប្រជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ុន្តែលោកស្រី Andersson បាននិយាយថា លោកស្រីប្រាប់សមាជិកសភារួចហើយថា លោកស្រីសង្ឃឹមត្រូវបានតែងជានាយករដ្ឋមន្ត្រីម្តងទៀតក្នុងនាមជាប្រមុខរដ្ឋាភិបាលដែលមានគណបក្សតែមួយ ហើយក្តីរំពឹងក៏កំពុងកើតមានជារូបរាងផងដែរនៅពេលគណបក្សផ្សេងៗផ្តល់សញ្ញាគាំទ្រ។

គណបក្សបៃតងបានលាលែងពីការចូលរួមបង្កើតរដ្ឋាភិបាលចម្រុះ ដោយសារតែសភាបានច្រានចោលច្បាប់ថវិការបស់ក្រុមសម្ព័ន្ធចម្រុះ។

លោកស្រី Andersson បានប្រាប់សន្និសីទសារព័ត៌មានថា ៖«ខ្ញុំបានស្នើសុំសភាឲ្យដកតួនាទីខ្ញុំជានាយករដ្ឋមន្ត្រី។ ខ្ញុំបានត្រៀមខ្លួនរួចហើយសម្រាប់ការធ្វើជានាយករដ្ឋមន្ត្រីដែលមានគណបក្សតែមួយគឺរដ្ឋាភិបាលគណបក្សសង្គមប្រជាធិបតេយ្យ»។

គណបក្សបៃតងបាននិយាយថា ខ្លួននឹងគាំទ្រលោកស្រីក្នុងការបោះឆ្នោតសម្រេចជាថ្មីណាមួយនៅសភា ហើយគណបក្សកណ្តាលនិយមសន្យាអនុប្បវាទដែលក្នុងការអនុវត្តជាក់ស្តែងស្មើនឹងគាំទ្រលោកស្រីជានាយករដ្ឋមន្ត្រី ខណៈគណបក្សឆ្វេងនិយមក៏និយាយដែរថា ពួកគេគាំទ្រលោកស្រី៕

ប្រែសម្រួល៖ វីរបុត្រ
ប្រភព៖ reuters

Related Topics:ប្រទេសស៊ុយអែត