ព័ត៌មានអន្ដរជាតិ
ថៃ បង្កើតទីភ្នាក់ងារជាតិការពារការវាយប្រហារតាមអ៊ីនធឺណិត
ក្រោមច្បាប់ពិសេស ‘Cyber Act’ ប្រទេសថៃបានបង្កើតអង្គការដំបូងគេបំផុត ដើម្បីទប់ទល់នឹងការវាយប្រហារតាមអ៊ីនធឺណិត ដែលហៅ ថា ទីភ្នាក់ងារសន្តិសុខតាមអ៊ីនធឺណិតជាតិ ឬ NCSA។
អង្គការនេះត្រូវបានបង្កើតឡើងក្នុងខែមករាឆ្នាំនេះ ហើយបានប្រឈមមុខនឹងបញ្ហាថវិកាទាបដែលមិននឹកស្មានដល់ ដោយសារថវិកាភាគច្រើនរបស់ប្រទេសត្រូវបានប្រើប្រាស់ដើម្បីប្រយុទ្ធប្រឆាំងនឹងជំងឺកូវីដ ។
បេសកកម្មសំខាន់របស់អង្គការគឺដើម្បីគ្រប់គ្រងហេដ្ឋារចនាសម្ព័ន្ធព័ត៌មានសំខាន់ៗទាំងអស់ ដើម្បីពង្រឹងសមត្ថភាពរបស់ពួកគេក្នុងការការពារខ្លួនពីការវាយប្រហារតាមអ៊ីនធឺណិត ដោយកំណត់ក្រមប្រតិបត្តិ និងសុវត្ថិភាពមូលដ្ឋានសម្រាប់ពួកគេ ។
ទោះបីជាយ៉ាងណាក៏ដោយ ឧត្តមសេនីយ Prachya Chalermwat អគ្គលេខាធិការនៃទីភ្នាក់ងារសន្តិសុខតាមអ៊ីនធឺណិតជាតិបានធានាថា ត្រឹមមន្ត្រីតិចជាង ៥០ នាក់ NCSA បានសហការជាមួយអង្គការក្នុងស្រុក និងក្រៅ ប្រទេសជាច្រើនរួចហើយដើម្បីបង្កើនសមត្ថភាពហេដ្ឋារចនាសម្ព័ន្ធព័ត៌មានសំខាន់ៗរបស់ ស្ថាប័នដើម្បីការពារខ្លួនពីការវាយប្រហារបណ្តាញអ៊ីនធឺណិត ។
ទន្ទឹមនោះ អគ្គលេខាធិការងនៃទីភ្នាក់ងារសន្តិសុខតាមអ៊ីនធឺណិតជាតិ លោក Amorn Chomchoey មានប្រសាសន៍ថា អត្តសញ្ញាណប័ណ្ណ និងការផ្ទៀងផ្ទាត់អត្តសញ្ញាណ ហិរញ្ញវត្ថុ ទីផ្សារភាគហ៊ុន ប្រព័ន្ធទូរគមនាគមន៍ ប្រព័ន្ធរថភ្លើង និងយន្តហោះនៅ អាកាសយានដ្ឋានគឺពាក់ព័ន្ធនឹងកុំព្យូទ័រ ហើយវាជាហេដ្ឋារចនាសម្ព័ន្ធព័ត៌មានដ៏សំខាន់ ដែលចាំបាច់ត្រូវឃ្លាំមើល ការពារ និងធានាសុវត្ថិភាព ។
លោកបានបន្ថែមថា “យើងសហការជាមួយអង្គការទាំងនោះដែលដំណើរការប្រព័ន្ធព័ត៌មាន សេវាកម្មណាមួយ ដើម្បីស្វែងយល់ពីរបៀបដែលពួកគេអាចការពារខ្លួនបានកាន់តែប្រសើរ” ។
ស្របពេលជាមួយគ្នានេះ លោក Darunee Pikulton នាយកការិយាល័យច្បាប់បានកត់សម្គាល់ថា ប៉ូលិសនឹងផ្តោតលើឧក្រិដ្ឋកម្ម និងច្បាប់កុំព្យូទ័រ ហើយអង្គការក៏នឹងផ្តោតលើសកម្មភាពតាមអ៊ីនធឺណិតដើម្បីការពារ ដោះស្រាយ និងកាត់បន្ថយហានិភ័យនៃការវាយប្រហារតាមអ៊ីនធឺណិតផងដែរ ។
ស្ថាប័នមួយចំនួនប្រហែលជាមិនដឹងអំពីអត្ថិភាពនៃអង្គការនេះទេ ប៉ុន្តែនៅ ពេលដែលវិធីសាស្រ្តបានចាប់ផ្តើម ពួកគេភាគច្រើនបានសហការយ៉ាងពេញលេញ ។
ចំណែកលោកTeerawut Wittayakor ជំនួយការអគ្គលេខាធិការនៃទីភ្នាក់ងារសន្តិសុខតាមអ៊ីនធឺណិតជាតិបាននិយាយថា “ដើម្បីការពារខ្លួនពីការវាយប្រហារតាមអ៊ីនធឺណិត គ្មាននរណាម្នាក់អាចប្រតិបត្តិការតែម្នាក់ឯងបានទេ ពួកគេត្រូវការកិច្ចសហប្រតិបត្តិការ” ៕
ប្រភព ៖ A24 News Agency
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»