ព័ត៌មានអន្ដរជាតិ
ចំនួនអ្នកស្លាប់កើនឡើងពីគ្រោះទឹកជំនន់វាយប្រហារប្រេស៊ីល
ចំនួនជនរងគ្រោះបាត់បង់ជីវិតពីគ្រោះទឹកជំនន់នៅភាគខាងជើងប្រទេសប្រេស៊ីលបានកើនឡើងដល់២០នាក់ គិតត្រឹមរសៀលថ្ងៃចន្ទម្សិលមិញ។
អាជ្ញាធរដ្ឋ Bahia បានប្រកាសថា នេះជាគ្រោះមហន្តរាយធ្ងន់ធ្ងរបំផុតនៅក្នុងប្រវត្តិសាស្ត្ររដ្ឋដែលមិនធ្លាប់ជួបពីមុន ហើយក្រុមជួយសង្គ្រោះត្រូវការពេលវេលាច្រើនថ្ងៃទៀត។
រដ្ឋ Bahia ដែលមានប្រជាជនប្រមាណ១៥លាននាក់បានទទួលរងការលិចលងដោយទឹកជំនន់ បន្ទាប់ពីគ្រោះរាំងស្ងួតដ៏យូររហូតធ្វើឲ្យភ្លៀងធ្លាក់ខ្លាំងជាប់កំណត់ត្រា។
ទឹកជំនន់បានវាយប្រហារដ៏អាក្រក់នៅកន្លែងមួយចំនួននៅចំថ្ងៃឈប់សម្រាកនៃពិធីបុណ្យណូអែលកាលពីចុងសប្តាហ៍កន្លងទៅ ក្រោយពេលទំនប់ពីរត្រូវបានបើកទ្វារ ហើយជម្លៀសអ្នកស្រុកទៅទីទួលសុវត្ថិភាព។
ក្រុមការងារជួយសង្គ្រោះបានល្បាតដោយទូកតូចៗជុំវិញទីក្រុង Itabuna ភាគខាងត្បូងរដ្ឋ Bahia ដើម្បីយកអ្នកស្រុកចេញពីផ្ទះ។ អ្នកខ្លះត្រូវបានយកចេញតាមបង្អួចជាន់ទី២ដោយសារជាន់ក្រោម និងជាន់ទី១ត្រូវបានលិចទឹក។
អភិបាលរដ្ឋ Bahia លោក Rui Costa បាននិយាយថា ទីក្រុងចំនួន៧២ស្ថិតនៅក្នុងគ្រាអាសន្ន។
លោកថា ៖«ជាអកុសល យើងកំពុងជួបគ្រោះមហន្តរាយដ៏អាក្រក់បំផុតដែលមិនធ្លាប់មាននៅក្នុងប្រវត្តិសាស្ត្រដ្ឋ Bahia»។
លោកវរសេនីយទោ Manfredo Santana នៅអង្គភាពពន្លត់អគ្គីភ័យរដ្ឋ Bahia បាននិយាយថា ក្រុមសង្គ្រោះបន្ទាន់បានជួយសង្គ្រោះមនុស្ស២០០នាក់ក្នុងក្រុងជិតៗ។ ទឹកហូរខ្លាំងធ្វើឲ្យពិបាកចូលទៅកន្លែងឆ្ងាយៗ»។
ទីភ្នាក់ងារការពារស៊ីវិលរដ្ឋ Bahia បាននិយាយកាលពីល្ងាចថ្ងៃចន្ទថា មនុស្ស២០នាក់បានស្លាប់នៅទីក្រុង១១ផ្សេងគ្នា៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៧ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានអន្ដរជាតិ២១ ម៉ោង agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន