Connect with us

ព័ត៌មានអន្ដរជាតិ

បៃដិន ជឿថា ពូទីន នឹងដាក់ទ័ពចូលទៅ អ៊ុយក្រែន

បានផុស

នៅ

ប្រធានាធិបតីអាមេរិក លោក ចូ បៃដិន បាននិយាយកាលពីថ្ងៃពុធទី១៩ខែមករាថា លោកគិតថា សមភាគីរុស្ស៊ី វ្ល៉ាឌីមៀរ ពូទីន នឹងដាក់ទ័ពចូលទៅអ៊ុយក្រែន ប៉ុន្តែមិនចង់ធ្វើសង្រ្គាមនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលសួរក្នុងសន្និសីទសារព័ត៌មានអំពីការគំរាមកំហែងនៃការលុកលុយរបស់រុស្ស៊ី លោកបាននិយាយថា “ការស្មានរបស់ខ្ញុំគឺថា គាត់នឹងចូល គាត់ត្រូវតែធ្វើអ្វីមួយ”។ ប៉ុន្តែ​លោក​បាន​ព្រមាន​ថា មេដឹកនាំ​រុ​ស្ស៊ី​នឹង​បង់ថ្លៃ​​ធ្ងន់ធ្ងរ សម្រាប់​​ការ​សាកល្បងជាមួយ​លោកខាងលិច​។

ទីក្រុង​មូស្គូ បាន​បដិសេធ​ផែនការ​វាយប្រហារ​ឬ​ឈ្លានពានអ៊ុយក្រែន ប៉ុន្តែ​បាន​បង្កើន​កម្លាំង​របស់​ខ្លួន។ គេប៉ាន់ស្មានថា មានទាហានរុស្ស៊ីប្រហែល ១០ម៉ឺននាក់នៅជិតព្រំដែនអ៊ុយក្រែន។

ដោយ​សួរ​ពី​ទស្សនៈ​របស់​លោក​ចំពោះ​ចេតនា​របស់​លោក​ពូទីន លោក បៃដិន បានលើកឡើង​ថា “​តើ​ខ្ញុំ​គិត​ថា​គាត់​នឹង​សាកល្បង​ប្រទេស​លោក​ខាង​លិច​ឬ​ទេ? សាកល្បង​សហរដ្ឋ​អាមេរិក និង​ណាតូ​ឲ្យ​បាន​ច្រើន​តាម​ដែល​គាត់​អាច​ធ្វើ​បានឬ? មែនហើយ ​ខ្ញុំ​គិត​ថា​គាត់​នឹងសាក ​ប៉ុន្តែ​ខ្ញុំ​គិត​ថា​គាត់​នឹងបង់ថ្លៃធ្ងន់ធ្ងរចំពោះរឿងនេះ​”។

ស្របពេលជាមួយគ្នានោះ នៅពេលសួរថាតើលោកមានការព្រួយបារម្ភយ៉ាងណា ចំពោះលទ្ធភាពនៃជម្លោះនៅអ៊ុយក្រែន លោកឆ្លើយថា “សង្រ្គាមដែលអាក្រក់ជាងការគ្រោងទុក គឺនៅពេលដែលវាមិនមានចេតនា ហើយអ្វីដែលខ្ញុំព្រួយបារម្ភនោះគឺថាវាមិនអាចគ្រប់គ្រងបាន។

លោកក៏បាននិយាយផងដែរថា វាមានសារៈសំខាន់ខ្លាំងណាស់ ដែលសម្ព័ន្ធមិត្តណាតូស្ថិតនៅលើទំព័រដដែល ស្របពេលប្រឈមមុខនឹងការវាយប្រហារដ៏មានសក្តានុពលរបស់រុស្ស៊ី។

ទោះបីជាបានថ្លែងសារយ៉ាងម៉ឺងម៉ាត់ក៏ដោយ ប៉ុន្តែលោក បៃដិន បាននិយាយថា សហរដ្ឋអាមេរិកនៅតែបើកចំហសម្រាប់កិច្ចពិភាក្សាជាមួយរុស្ស៊ី ហើយថា កិច្ចប្រជុំកំពូលជាមួយលោកពូទីននៅតែជាលទ្ធភាព៕

ប្រែសម្រួល៖ Vann Vann

ប្រភព៖ BBC

ចុចអាន៖ ឡើងកម្តៅ! អង់គ្លេស បញ្ជូនទ័ព និងសព្វាវុធបច្ចេកវិទ្យាទំនើបទៅ អ៊ុយក្រែន ហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៣ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ១៩ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម