ព័ត៌មានអន្ដរជាតិ

ពូទីន ចោទប្រកាន់លោក បៃដិន ពីបទផ្ដល់ព័ត៌មានមិនពិត ស្ដីពីសកម្មភាពយោធាលើ អ៊ុយក្រែន

បានផុស

៤ years មុន

នៅ

ថ្ងៃអាទិត្យ ១៣ កុម្ភៈ ២០២២

ដោយ

វិមានក្រឹមឡាំង បាននិយាយកាលពីល្ងាចថ្ងៃសៅរ៍ថា ប្រធានាធិបតីរុស្ស៊ីលោក វ្ល៉ាឌីមៀ ពូទីន បានប្រាប់សមភាគីអាមេរិកថា លោកមិនយល់ពីមូលហេតុ ដែលប្រធានាធិបតីអាមេរិក “ដឹងព័ត៌មានមិនពិត អំពីការឈ្លានពានអ៊ុយក្រែន” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងទៅកាន់អ្នកសារព័ត៌មាន អំពីកិច្ចសន្ទនាតាមទូរស័ព្ទរយៈពេលជាងមួយម៉ោង រវាងលោក Putin និងលោក Joe Biden លោក Yury Ushakov ទីប្រឹក្សាប្រធានាធិបតី ស្តីពីបញ្ហាគោលនយោបាយការបរទេស នៃវិមានក្រឹមឡាំង បាននិយាយថា កិច្ចប្រជុំនេះគឺ “មានតុល្យភាព” និង “ផ្ដោតលើ “អាជីវកម្ម” ។

លោក Ushakov បាននិយាយថា “កិច្ចប្រជុំថ្ងៃនេះ បានធ្វើឡើងក្នុងបរិយាកាសនៃភាពរំជើបរំជួល ដែលមិនធ្លាប់មានពីមុនមក ដែលរុស្ស៊ី ពិតជានឹងបើកការវាយប្រហារលើអ៊ុយក្រែន នាពេលដ៏ខ្លីខាងមុខនេះ”។ លោកបានអះអាងថា ការចោទប្រកាន់នោះថា រុស្ស៊ីនឹងវាយប្រហារអ៊ុយក្រែន ត្រូវបានធ្វើឡើងក្នុងរបៀប សម្របសម្រួល។

លោកថា ជនជាតិអាមេរិក កំពុងពង្រីកដោយសិប្បនិម្មិត នូវភាពច្របូកច្របល់ជុំវិញអ្វីដែលគេហៅថា ការលុកលុយដែលបានគ្រោងទុករបស់រុស្ស៊ី ថែមទាំងប្រាប់កាលបរិច្ឆេទនៃការលុកលុយ ហើយទន្ទឹមនឹងនោះ ពួកគេកំពុងកសាងសាច់ដុំនៃប្រទេសអ៊ុយក្រែនរួមគ្នា ជាមួយសម្ព័ន្ធមិត្តរបស់ពួកគេ ដោយផ្ដល់ធនធានហិរញ្ញវត្ថុ ដើម្បីពង្រឹងកងទ័ពអ៊ុយក្រែន និងបង្កើនចំនួនគ្រូឧទ្ទេសយោធា ដែលត្រូវបានបញ្ជូនទៅអ៊ុយក្រែន”។

លោកបាននិយាយទៀតថា ជាមួយនឹងការឈ្លានពានដែលត្រូវបានចោទប្រកាន់ លក្ខខណ្ឌជាមុន ត្រូវបានបង្កើតឡើងសម្រាប់សកម្មភាពបង្កហេតុ ដែលអាចកើតមានរបស់កងកម្លាំងប្រដាប់អាវុធអ៊ុយក្រែន ។ នេះជារបៀបដែលយើងវាយតម្លៃស្ថានភាពនេះ ។

ដោយលើកឡើងពីគំនិតរបស់លោក Biden ទីប្រឹក្សារូបនេះបាននិយាយថា ប្រធានាធិបតីអាមេរិក បានប្រាប់លោក Putin ថា ទីក្រុងវ៉ាស៊ីនតោន និងទីក្រុងមូស្គូ ត្រូវតែប្រឹងប្រែងអស់ពីសមត្ថភាព ដើម្បីគាំទ្រដល់ស្ថិរភាព និងសន្តិសុខនៅក្នុងពិភពលោក ទោះបីជាមានគូប្រជែងក៏ដោយ។

លោកបានមានប្រសាសន៍ថា “លោក Biden បានសង្កត់ធ្ងន់ថា ក្នុងក្របខ័ណ្ឌនៃបញ្ហាអ៊ុយក្រែន អ្វីគ្រប់យ៉ាងគួរតែត្រូវបានធ្វើ ដើម្បីចៀសវាងនូវសេណារីយ៉ូដ៏អាក្រក់បំផុត”។

ដោយឡែក លោកពូទីនបានចង្អុលបង្ហាញថា គ្រឿងសព្វាវុធរបស់អ៊ុយក្រែន ពីបណ្តាប្រទេសលោកខាងលិច គឺមានគ្រោះថ្នាក់។ បណ្តាប្រទេសលោកខាងលិច លើកទឹកចិត្តដល់សកម្មភាពបង្កហេតុ របស់កងកម្លាំងយោធាអ៊ុយក្រែន នៅ Donbas និង គ្រីមៀ ៕

ប្រែសម្រួល៖ សាង ស្រីល័ក្ខ

ប្រភព៖AA

ចុចអាន៖លោក បៃដិន ថា ទោះមានបញ្ហាអ្វីក៏ដោយ អាមេរិក ត្រៀមជួយ អ៊ុយក្រែន រួចស្រេច បើ រុស្ស៊ី គំរាមកំហែង

ចុចអាន៖Putin ព្រមានថា អឺរ៉ុបនឹងធ្លាក់ក្នុងជម្លោះយោធា បើអ៊ុយក្រែន ចូល ណាតូ (មានវីដេអូ)