ពូទីន ប្រកាសសង្គ្រាម ពេលនេះមានការផ្ទុះហើយនៅក្នុងប្រទេស អ៊ុយក្រែន (មានវីដេអូ)

លោក វ្ល៉ាឌីមៀរ ពូទីន បានបញ្ជាឲ្យវាយប្រហារប្រទេសអ៊ុយក្រែន ហើយនិយាយថា លោកចង់បានតំបន់គ្មានយោធា និងមិនកាន់កាប់ប្រទេសឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះ ប្រធានាធិបតីរុស្ស៊ីរូបនេះ បានប្រាប់កងទ័ពអ៊ុយក្រែនឲ្យទម្លាក់អាវុធចុះ ហើយវិលត្រលប់ទៅផ្ទះវិញនៅពេលលោកប្រកាសសង្រ្គាមលើអ៊ុយក្រែន នៅក្នុងសុន្ទរកថានាពេលព្រឹកព្រលឹមទៅកាន់ជនរួមជាតិ។

លោក ពូទីន និយាយថា រុស្ស៊ីមិនអាចរងការគំរាមកំហែងឥតឈប់ឈរចេញពីទឹកដីអ៊ុយក្រែនបានទេ ហើយការប៉ះទង្គិចគ្នារវាងទាហានរុស្ស៊ី និងទាហានអ៊ុយក្រែនគឺ “ចៀសមិនរួចឡើយ”។

ប៉ុន្មាននាទីប៉ុណ្ណោះបន្ទាប់ពីសុន្ទរកថាជាសាធារណៈរបស់លោក ការផ្ទុះត្រូវបានគេឮនៅក្នុងរដ្ឋធានីគៀវ ក៏ដូចជាទីក្រុង Kramatorsk កណ្តាលប្រទេសអ៊ុយក្រែន និងទីក្រុង Odessa នៅភាគខាងត្បូងផងដែរ។

លោកពូទីនបានប្រាប់ប្រជាជនរុស្ស៊ីថា “ខ្ញុំបានសម្រេចចិត្តធ្វើប្រតិបត្តិការយោធាពិសេស។ រុស្ស៊ី​មិនអាច​មាន​ជាមួយ​នឹង​ការ​គំរាម​កំហែង​ឥតឈប់ឈរ ​ចេញ​ពី​ទឹកដី​អ៊ុយក្រែនបាន​ទេ។ អ្នក និងខ្ញុំ មិនត្រូវបានគេទុកឱកាសដើម្បីការពារប្រជាជនរបស់យើង ក្រៅពីអ្វីដែលយើងប្រើសព្វថ្ងៃនេះឡើយ”។

គួរបញ្ជាក់ថា នៅដើមសប្តាហ៍នេះ លោកពូទីន បាននិយាយថា លោកចង់យកកំពង់ផែសមុទ្រ Azov ដ៏សំខាន់នៃទីក្រុង Mariupol ដែលគ្រប់គ្រងការនាំចេញដែកនិងរ៉ែរបស់អ៊ុយក្រែនចំនួន៥០ភាគរយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ពូទីន ប្រកាសធ្វើប្រតិបត្តិការយោធា និងជំរុញឲ្យកងទ័ពអ៊ុយក្រែន ចុះចាញ់