ស្ថានការណ៍មិនស្រួល! ប្រទេសមួយទៀត ដាក់ពាក្យសុំចូលជាសមាជិក EU បន្ទាន់ 

គណបក្សកាន់អំណាច Georgian Dream បាននិយាយថា ប្រទេស ហ្សកហ្ស៊ី ដែលជាអតីតរដ្ឋសូវៀតនៅប៉ែកខាងកើតនៃសមុទ្រខ្មៅ នឹងដាក់ពាក្យសុំចូលជាសមាជិកសហភាពអឺរ៉ុប ភ្លាមៗ។

រឿងនេះកើតឡើងមួយថ្ងៃ បន្ទាប់ពីសភាអ៊ឺរ៉ុបបានគាំទ្រការប៉ុនប៉ងរបស់អ៊ុយក្រែន ក្នុងការដាក់ពាក្យសុំចូលជាសមាជិកសហភាពអឺរ៉ុប។

ប្រធានគណបក្ស Georgian Dream លោក Irakli Kobakhidze បានប្រាប់អ្នកយកព័ត៌មានថា លោកកំពុងអំពាវនាវឲ្យ EU ពិនិត្យឡើងវិញនូវពាក្យសុំរបស់យើងជាបន្ទាន់ និងធ្វើការសម្រេចចិត្តផ្តល់ឋានៈជាបេក្ខជនសមាជិកភាពរបស់ EU ដល់ហ្សកហ្ស៊ី។

គួរបញ្ជាក់ថា ប្រទេសហ្សកហ្ស៊ី ​បានជួបប្រទះ​បាតុកម្មទ្រង់ទ្រាយ​ធំ ​ប្រឆាំង​នឹង​ការវាយលុក​របស់​រុស្ស៊ី​លើ​អ៊ុយក្រែន។

ប្រទេសរុស្ស៊ីបានគ្រប់គ្រងតំបន់ហ្សកហ្ស៊ីចំនួនពីរគឺ Ossetia ខាងត្បូងនិង Abkhazia ចាប់តាំងពីឆ្នាំ ២០០៨មក នៅពេលកងកម្លាំងរុស្ស៊ី បានបណ្តេញកងទ័ពហ្សកហ្ស៊ីចេញពីតំបន់ទាំងនោះ។

វាកើតឡើងបន្ទាប់ពីការប៉ុនប៉ងរបស់ហ្សកហ្ស៊ី ដើម្បីដណ្តើមយកតំបន់ Ossetia ខាងត្បូងមកវិញ ជាទីដែលផ្ទុះសង្គ្រាមផ្តាច់ខ្លួន ប្រឆាំងនឹងហ្សកហ្ស៊ីក្នុងទសវត្សរ៍ឆ្នាំ១៩៩០៕

ប្រែសម្រួល៖ Vann Vann

ប្រភព៖ BBC

ចុចអាន៖ ទីបំផុត រុស្ស៊ី ដាច់ចិត្តទម្លាយតួលេខទាហានស្លាប់និងរបួសហើយ