ព័ត៌មានអន្ដរជាតិ

កាណាដាបន្ថែមថវិកាជាង៦ប៊ីលានដុល្លារទៀតអភិវឌ្ឍយោធាឆ្លើយតបសង្គ្រាមអ៊ុយក្រែន

បានផុស

៤ years មុន

នៅ

ថ្ងៃសុក្រ ៨ មេសា ២០២២

ដោយ

កាលពីថ្ងៃព្រហស្បតិ៍ម្សិលមិញ ប្រទេសកាណាដាបានបញ្ចេញថវិកាចំនួន៦.៤ប៊ីលានដុល្លារដើម្បីបន្ថែមលើការចំណាយផ្នែកយោធាថ្មីសម្រាប់រយៈពេល៥ឆ្នាំខាងមុខដែលជាការឆ្លើយតបទៅនឹងការវាយប្រហាររបស់រុស្ស៊ីលើអ៊ុយក្រែន ប៉ុន្តែខកខានចំពោះការចំណាយរបស់អង្គការណាតូចំនួន២ភាគរយនៃផលិតផលក្នុងស្រុកសរុប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ការវាយប្រហាររបស់លោកប្រធានាធិបតីរុស្ស៊ី វ្លាឌីមៀរ ពូទីន លើអ៊ុយក្រែនបានរម្លឹកពួកយើងថា ប្រជាធិបតេយ្យដែលមានសន្តិភាពផ្ទាល់របស់យើង ដូចជាលទ្ធិប្រជាធិបតេយ្យទាំងអស់នៃពិភបលោក ផ្អែកលើកម្លាំងការពារដ៏រឹងមាំ»។ រដ្ឋមន្ត្រីក្រសួងហិរញ្ញវត្ថុ លោកស្រី Chrystia Freeland បាននិយាយ។

លោកស្រីបន្តថា ៖«យើងខ្ញុំដឹងថា សេរីភាពមិនមែនកើតឡើងដោយឯកឯងនោះទេ ហើយថា សន្តិភាពត្រូវបានធានា លុះត្រាតែការត្រៀមខ្លួនរួចរាល់របស់ពួកយើងដើម្បីប្រយុទ្ធប្រឆាំងដើម្បីវា»។

«នោះហើយជាមូលហេតុដែលថវិកានេះត្រូវបានធ្វើភ្លាម បន្ថែមលើការវិនិយោគនៅក្នុងកម្លាំងប្រដាប់អាវុធរបស់ពួកយើង ហើយស្នើឲ្យមានការពិនិត្យឡើងវិញនូវគោលនយោបាយការពារជាតិឲ្យបានលឿនដើម្បីបំពាក់កាណាដាសម្រាប់ពិភពលោកដែលកំពុងគ្រោះថ្នាក់»។

យោងតាមអង្គការណាតូ បច្ចុប្បន្ននេះ ប្រទេសកាណាដា បានចំណាយតែ១.៣៦%ប៉ុណ្ណោះនៃផលិតផលសរុប (GDP) លើវិស័យយោធាដែលធ្លាក់ចុះបន្តិចធៀបនឹងប៉ុន្មានឆ្នាំមុន។

បើតាមអ្នកជំនាញ និងក្រុមឃ្លាំមើលសារពើពន្ធឯករាជ្យរបស់សភាឲ្យដឹងថា ដើម្បីបំពេញតម្រូវការណាតូ រដ្ឋាភិបាលក្រុងអូតាវ៉ានឹងត្រូវដាក់ចេញបន្ថែមទៀតសម្រាប់សមត្ថភាពការពារជាតិ ដែលហោចណាស់ឲ្យបាន០.៥%នៃផលិតផលសរុប៕

ប្រែសម្រួល៖ វីរបុត្រ
ប្រភព៖ AFP

Related Topics:ប្រទេសកាណាដា