ទីបំផុត រូបភាពនិងវីដេអូដំបូង នៃការលិចនាវាចម្បាំងរុស្ស៊ី ក្នុងសមុទ្រខ្មៅ ត្រូវបានបញ្ចេញ

ទាំងនេះគឺជារូបភាពដំបូងដែលបង្ហាញពីនាវាចម្បាំង Moskva របស់រុស្ស៊ី នៅពេលដែលវាលិច សម្លាប់នាវិក៤០នាក់ បន្ទាប់ពីត្រូវគេសង្ស័យថា រងការវាយប្រហារដោយមីស៊ីលរបស់អ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាវាបានលិចចូលសមុទ្រខ្មៅកាលពីសប្តាហ៍មុន បន្ទាប់ពីទីក្រុង កៀវ និយាយថា ខ្លួនបើកការវាយប្រហារដោយមីស៊ីល ថ្វីបើវិមានក្រឹមឡាំងអះអាងថា នាវានេះត្រូវបានបំផ្លាញក្នុងឧបទ្ទវហេតុក៏ដោយ។

គេ​ឃើញ​ផ្សែង​ខ្មៅ​ហុយ​ចេញ​ពីនាវា​ចម្បាំង ហើយទូកសង្គ្រោះទាំងអស់នៅផ្នែកម្ខាងនៃកំពង់ផែ ត្រូវបានគេមើលឃើញដាក់ពង្រាយ ដែលបង្ហាញថា នាវិកមួយចំនួនធំអាចគេចចេញពីនាវាចម្បាំងបាន។

យ៉ាងណាក្តី គេនៅតែមិនទាន់ច្បាស់ថាតើមាននាវិកប៉ុន្មាននាក់បានរួចរស់ជីវិតពីការលិចនោះទេ ចំពេលមានការអះអាងថា អ្នកស្លាប់អាចឈានដល់ខ្ទង់រយនាក់ឯណោះ ហើយរុស្ស៊ី​ក៏មិន​បាន​បង្ហាញ​ព័ត៌មាន​ណាមួយ​អំពី​អ្នក​នៅ​រស់រាន​មាន​ជីវិតដែរ។

មានការអះអាងថា រូបភាពទាំងនោះត្រូវបានថតចេញពីកប៉ាល់តួកគីមួយគ្រឿង ដែលមុននេះមានសេចក្តីរាយការណ៍ថា កប៉ាល់តួកគីបានជួយសង្គ្រោះបុរសចំនួន ៥៤ នាក់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ពូទីន បញ្ជូនក្រុមយន្តហោះទម្លាក់គ្រាប់បែកនុយក្លេអ៊ែរ ទៅព្រំដែន អ៊ុយក្រែន ហើយ