ព័ត៌មានអន្ដរជាតិ
ប្រមុខចារកម្មយោធាអ៊ុយក្រែនអះអាងថា លោក ពូទីន រួចជីវិតពីការប៉ុនប៉ងធ្វើឃាត (មានវីដេអូ)
យោងតាមការចុះផ្សាយរបស់ Business Insider, មន្ត្រីចារកម្មយោធាកំពូលរបស់អ៊ុយក្រែនបាននិយាយថា ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានរួចរស់ជីវិតពីការប៉ុនប៉ងធ្វើឃាត ដោយការប៉ុនប៉ងនោះបានកើតឡើង មិនយូរប៉ុន្មានបន្ទាប់ពីរុស្ស៊ី លុកលុយអ៊ុយក្រែន។
ព័ត៌មានទាក់ទិននឹងការអះអាងរបស់លោក Kyrylo Budanov អំពីការប៉ុនប៉ងធ្វើឃាតលោក ពូទីន ត្រូវបានចុះផ្សាយដោយសារព័ត៌មានជាច្រើននៅលើពិភពលោក រួមមានដូចជា Business Insider, New York Post, Daily Mail, South China Morning Post, Sky News, Express, Telegraph និងគេហទំព័រល្បីៗជាច្រើនទៀត។
លោក Kyrylo Budanov បានប្រាប់កាសែតអ៊ុយក្រែន Ukrayinska Pravda ថា នៅក្នុងខែមីនា មានការប៉ុនប៉ងធ្វើឃាតលោក ពូទីន។
លោក Budanov បាននិយាយថា “មានការប៉ុនប៉ងធ្វើឃាតលោកពូទីនពិតមែន។ គាត់ថែមទាំងត្រូវបានវាយប្រហារ ដោយអ្នកតំណាងតំបន់ Caucasus ទៀតផង។ នេះមិនមែនជាព័ត៌មានសាធារណៈទេ។ នោះជាការប៉ុនប៉ងមិនបានសម្រេចទាំងស្រុង ប៉ុន្តែពិតជាបានកើតឡើងមែន ប្រហែល២ខែមុន។ មិនមានការផ្សព្វផ្សាយជាសាធារណៈអំពីព្រឹត្តិការណ៍នោះទេ ប៉ុន្តែវាបានកើតឡើង។
ស្របពេលជាមួយគ្នានោះ លោក Anton Gerashchenko មន្ត្រីជាន់ខ្ពស់រដ្ឋាភិបាលអ៊ុយក្រែនក៏បានចែករំលែកការលើកឡើងរបស់លោក Budanov នៅលើ Telegram របស់គាត់ ផងដែរ។
គួរបញ្ជាក់ថា Caucasus គឺជាតំបន់ភូមិសាស្ត្រដ៏ធំមួយ។ តំបន់នេះ រួមមានទឹកដីរុស្ស៊ីមួយចំនួន រួមទាំង North Ossetia-Alania និង Chechnya ក៏ដូចជារដ្ឋដែលធ្លាប់ជាផ្នែករបស់សហភាពសូវៀតដូចជា ហ្សកហ្ស៊ី និង អាស៊ែបៃហ្សង់ ផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Business Insider
ចុចអាន៖ រុស្ស៊ី បង្ហាញយុទ្ធសាស្ត្រ ភូមិសាស្ត្រនយោបាយ របស់ខ្លួន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល