Connect with us

ព័ត៌មានអន្ដរជាតិ

ភ្លើង​​ឆេះ​​ស្ពាន​​ខ្សែ​​កាប​ថាមពល​​នៅ​​ហុងកុង​ ​ធ្វើ​​ឲ្យ​ផ្ទះ​២​​ម៉ឺន​​ខ្នង​​ប្រឈម​​អត់​ភ្លើង​​២​​​ថ្ងៃ​

បានផុស

នៅ

ផ្ទះ​ប្រហែល​ជា​ ២០​០០០​ខ្នង​នៅ​ក្នុងទី​ក្រុង​ហុងកុង​ប្រឈម​នឹង​គ្មាន​អគ្គីសនី​ប្រើ​ប្រាស់​រយៈ​ពេល​ពីរ​ថ្ងៃ បន្ទាប់​ពី​​ភ្លើង​​បាន​ឆេះ​ស្ពាន​ខ្សែ​កាបថាមពល​មួយ​នៅក្នុង​តំបន់ Yuen Long ​កាល​ពី​​យប់​​ថ្ងៃ​អង្គារ៍​ ព្រម​ទាំង​ប៉ះ​ពាល់​ដល់សេវា​មន្ទីរ​ពេទ្យ រថភ្លើង និង​សាលា​រៀន​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិករ​ថាមពល CLP បាន​និយាយ​ថា ភ្លើង​បាន​ឆេះ​ស្ពាន​​ខ្សែ​កាប​ថាមពល CLP ​វេលា​ម៉ោង​៧.១០​នាទី​យបើ​ថ្ងៃ​អង្គារ៍ ​ដែល​បាន​ធ្វើ​ឲ្យ​ខូចខាត​ខ្សែ​តង់ស្យុង​ខ្ពស់​កម្រិត​ 132kV ចំនួន​៣​ដែល​ផ្គត់​ផ្គង់​ថាមពល​ទៅ​ខណ្ឌ​ចំនួន​៣​គឺ​ខណ្ឌ Yuen Long, Tin Shui Wai និង Tuen Mun។

ទោះ​ជា​យ៉ាង​ណា អគ្គីភ័យ​នេះ​មិន​បណ្តាល​ឲ្យ​មាន​​នរណា​ម្នាក់​របួស​ទេ។

អតិថិជន​ប្រហែល​ជា ១៦០០០០ នាក់​នៅ​ខណ្ឌ Yuen Long, Tin Shui Wai និង​ Tuen Mun ទទួល​រង​ផល​ប៉ះ​ពាល់​មុន​គេ​សម្រាប់​ការងារ​រក​ស៊ី​របស់​ពួក​គាត់ ខណៈ​សេវា MTR ​នៅ​តំបន់​ទាំង​នោះ​ត្រូវ​បាន​កាត់​ផ្តាច់។

អាជ្ញាធរ​សុខាភិបាល​បាន​និយាយ​ថា សេវា​នៅ​តាម​មន្ទីរ​ពេទ្យ​ជា​ច្រើន​បាន​ទទួល​រង​ផល​ប៉ះ​ពាល់ ហើយ​អ្នក​ជំងឺ​មួយ​ចំនួន​ត្រូវ​បាន​បញ្ជូន​ទៅ​កាន់​កន្លែង​ផ្សេង។

ការិយាល័យ​អប់រំ​បាន​និយាយ​ថា សាលា​រៀន​ចំនួន​១៤​កន្លែង​​ត្រូវ​បាន​ផ្អាក​ការ​សិក្សា​​នៅ​ថ្ងៃ​ពុធ ទី​២២ ខែ​មិថុនា​នេះ។

ក្រុម​ការងារ​​បាន​ប៉ាន់​ស្មាន​ថា ​ការ​ជួស​ជុល​នឹង​ត្រូវ​ការ​ពេល​ប្រមាណ​២​ថ្ងៃ​ទើប​អាច​ផ្គត់​ផ្គង់​ថាម​ពល​ទៅ​ដល់​ប្រជា​ជន​ដែល​មាន​ផ្ទះ​​ប្រមាណ​២០០០០​ខ្នង​រង​ផល​ប៉ះ​ពាល់​​នៅ​ខណ្ឌ Tin Shui Wai និង​តំបន់​ជុំ​វិញ​នោះ៕

ប្រែ​សម្រួល៖ វីរបុត្រ
ប្រភព៖ Agencies/yb(aj)

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម