លោក ពូទីន សន្យាផ្តល់ អាវុធនុយក្លេអ៊ែរ ទៅឲ្យសម្ព័ន្ធមិត្ត (មានវីដេអូ)

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយថា រុស្ស៊ីនឹងបញ្ជូនប្រព័ន្ធមីស៊ីលរយៈចម្ងាយខ្លីដែលមានសមត្ថភាពនុយក្លេអ៊ែរ ទៅឲ្យជាសម្ព័ន្ធមិត្តរបស់ខ្លួនគឺ ប្រទេសបេឡារុស ក្នុងរយៈពេលប៉ុន្មានខែខាងមុខនេះ។

លោកនិយាយថា ប្រព័ន្ធ Iskander-M អាចបាញ់មីស៊ីលផ្លោង ទាំងប្រភេទធម្មតា និងនុយក្លេអ៊ែរ។ ប្រព័ន្ធនេះមានរយៈចម្ងាយរហូតដល់ ៥០០គីឡូម៉ែត្រ។

ថ្លែងនៅក្នុងទីក្រុង St Petersburg លោក ពូទីន ក៏បាននិយាយផងដែរថា រុស្ស៊ីនឹងជួយបង្កើនសមត្ថភាពយន្តហោះចម្បាំងធុន SU-25 របស់បេឡារុស ដើម្បីឲ្យពួកគេអាចផ្ទុកអាវុធនុយក្លេអ៊ែរ។

គួរបញ្ជាក់ថា ភាពតានតឹងរវាងរុស្ស៊ីនិងលោកខាងលិច បានកើនឡើងខ្លាំងបន្ទាប់ពីការសម្រេចចិត្តរបស់ប្រធានាធិបតីពូទីន ក្នុងការលុកលុយប្រទេសអ៊ុយក្រែនកាលពីថ្ងៃទី២៤ កុម្ភៈ។

ចាប់តាំងពីពេលនោះមក លោក ពូទីន បានធ្វើការលើកឡើងជារឿយៗពាក់ព័ន្ធអាវុធនុយក្លេអ៊ែរ ដែលអ្នកខ្លះនិយាយថា ជាការព្រមានដល់ប្រទេសលោកខាងលិចកុំឲ្យធ្វើអន្តរាគមន៍៕

សូមទស្សនាវីដេអូ៖

ប្រែសម្រួល៖ សន្យា

ប្រភព៖ BBC

ចុចអាន៖ រុស្ស៊ី ប្រាប់ទីតាំងដែលត្រូវទម្លាក់គ្រាប់បែកមុនគេ ពេលសង្គ្រាមលោកលើកទី៣ ផ្ទុះឡើង