Connect with us

ព័ត៌មានអន្ដរជាតិ

WHO ថា ជំងឺអុតស្វា មិនទាន់ជាភាពអាសន្នសុខភាពសកលទេ

បានផុស

នៅ

អង្គការសុខភាពពិភពលោក (WHO) បានបញ្ជាក់ កាលពីថ្ងៃសៅរ៍ទី២៥ ខែមិថុនាថា ជំងឺអុតស្វា (Monkeypox) មិនទាន់ជាភាពអាសន្នសុខភាពជាសកលនៅឡើយទេ ថ្វីបើអគ្គនាយក WHO លោក Tedros Adhanom Ghebreyesus មានការព្រួយបារម្ភយ៉ាងខ្លាំងចំពោះការផ្ទុះឡើងនៃជំងឺនេះក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tedros និយាយថា “ខ្ញុំមានការព្រួយបារម្ភយ៉ាងខ្លាំងអំពីការផ្ទុះជំងឺអុតស្វា។ នេះច្បាស់ណាស់ថា ជាការគំរាមកំហែងសុខភាពដែលសហការីរបស់ខ្ញុំ និងខ្ញុំនៅក្នុងលេខាធិការដ្ឋាន WHO កំពុងតាមដានយ៉ាងយកចិត្តទុកដាក់ជាទីបំផុត”។

ការប្រកាស “ភាពអាសន្នជាសកល” បច្ចុប្បន្នអនុវត្តតែចំពោះជំងឺរាតត្បាតកូវីដ១៩ប៉ុណ្ណោះ ហើយទីភ្នាក់ងារអង្គការសហប្រជាជាតិមួយនេះ បានសម្រេចមិនប្រកាសបែបនេះចំពោះជំងឺអុតស្វា បន្ទាប់ពីមានការណែនាំពីកិច្ចប្រជុំនៃអ្នកជំនាញអន្តរជាតិ។

គួរបញ្ជាក់ថា គិតត្រឹមពេលនេះ មានករណីជំងឺអុតស្វាជាង ៤១០០ករណី ត្រូវបានបញ្ជាក់នៅទូទាំងពិភពលោក។
អុតស្វា ជាជំងឺដែលបង្កឲ្យមានរោគសញ្ញាដូចជំងឺគ្រុនផ្តាសាយ និងដំបៅស្បែក។ ជំងឹនេះ កំពុងរីករាលដាលយ៉ាងទូលំទូលាយចំពោះបុរសដែលរួមភេទជាមួយបុរសដូចគ្នា៕

ប្រែសម្រួល៖ សន្យា

ប្រភព៖ Straits Times

ចុចអាន៖ ប្រទេស អាស៊ាន មួយទៀតរកឃើញករណី ជំងឺអុតស្វា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម