Connect with us

ព័ត៌មានអន្ដរជាតិ

RUFA និងអាជ្ញាធរជាតិព្រះវិហារ ផ្តល់ថវិកាដល់អ្នកស្រាវជ្រាវ តំបន់ព្រះវិហារ និងកោះកេរ

បានផុស

នៅ

បណ្ឌិត ហេង សុផាឌី សាកលវិទ្យាធិការ នៃសាកលវិទ្យាល័យភូមិន្ទវិចិត្រសិល្បៈ RUFA ( Royal University of Fine Arts ) និងលោក គង់ ពុទ្ធិការ អគ្គនាយក នៃអាជ្ញាធរជាតិព្រះវិហារ បានចូលរួមជាអធិបតីនាពិធីវាយតម្លៃគម្រោងស្រាវជ្រាវលើបេក្ខជនចំនួន ៣ រូបដែលបានដាក់ពាក្យស្នើសុំថវិកាដើម្បីធ្វើការស្រាវជ្រាវអំពីតំបន់រមណីយដ្ឋានប្រាសាទកោះកេរ កាលពីរសៀលថ្ងៃទី១៥ ខែកក្កដា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គម្រោងស្រាវជ្រាវនេះគឺជាកិច្ចសហការរវាងសាកលវិទ្យាល័យភូមិន្ទវិចិត្រសិល្បៈ និងអាជ្ញាធរជាតិព្រះវិហារ ដែលបង្កើតឡើងតាមរយៈអនុស្សរណៈនៃការយោគយល់គ្នា ចុះហត្ថលេខារួមគ្នាកាលពីខែធ្នូ ឆ្នាំ២០២១ កន្លងទៅ ក្នុងគោលដៅបំផុស និងជម្រុញឱ្យមានការស្រាវជ្រាវ និងសរសេរឱ្យបានកាន់តែច្រើនអំពីតំបន់រមណីយដ្ឋានប្រាសាទព្រះវិហារ និងតំបន់រមណីយដ្ឋានប្រាសាទកោះកេរ។

ថវិកាសម្រាប់ស្រាវជ្រាវនេះនឹងផ្តល់ជូនដោយអាជ្ញាធរជាតិព្រះវិហារ ចំណែកសាកលវិទ្យាល័យភូមិន្ទវិចិត្រសិល្បៈនឹងត្រួតពិនិត្យអត្ថបទស្រាវជ្រាវទាំងនោះ និងជ្រើសរើសយកទៅផ្សព្វផ្សាយក្នុងព្រឹត្តិបត្រប្រចាំឆ្នាំ។

គម្រោងស្រាវជ្រាវនេះផ្តល់ឱកាសដល់និស្សិត មន្ត្រីរាជការ និងសាស្ត្រាចារ្យមកពីស្ថាប័នទាំងពីរ ដែលមានចំណាប់អារម្មណ៍ក្នុងការស្រាវជ្រាវអំពីតំបន់រមណីយដ្ឋានទាំងពីរខាងលើ។

ក្នុងដំណាក់កាលដំបូងនេះ សាកលវិទ្យាល័យភូមិន្ទវិចិត្រសិល្បៈ និងអាជ្ញាធរជាតិព្រះវិហារទទួលបានសំណើសុំថវិកាស្រាវជ្រាវចំនួនបីគម្រោង ក្នុងនោះគម្រោងមួយគឺជាសំណើសុំរបស់លោក ងួន មុនីសត្យា ព្រឹទ្ធបុរសរងមហាវិទ្យាល័យស្ថាបត្យកម្ម និងនគរោបនីយវិទ្យា និងគម្រោងពីរទៀតគឺជារបស់និស្សិតមហាវិទ្យាល័យបុរាណវិទ្យា ដែលបានជ្រើសរើសយកប្រធានបទអំពីតំបន់កោះកេរ ដើម្បីសរសេរសារណាបញ្ចប់ថ្នាក់បរិញ្ញាបត្រ។

គម្រោងទាំងបីរួមមាន៖

– គម្រោងទី១៖ ការសិក្សាស្រាវជ្រាវ និងចងក្រងសំណង់ស្ថាបត្យកម្មផ្ទះជនជាតិគួយ

– គម្រោងទី២៖ បដិមាដែលបាត់បង់ និងការទាមទារត្រឡប់មកវិញ

– គម្រោងទី៣៖ ស្ថានីយគោកដីឆ្នាំង

បេក្ខជនទាំងបីបានបង្ហាញពីគម្រោងស្រាវជ្រាវរបស់ខ្លួននៅចំពោះមុខគណៈកម្មការវាយតម្លៃដែលមានសមាសភាពមកពីស្ថាប័នទាំងពីរ។ ទីបញ្ចប់ គណៈកម្មការវាយតម្លៃបានសម្រេចផ្តល់ថវិកាជូនដល់បេក្ខជនទាំងបីរូបដើម្បីធ្វើការស្រាវជ្រាវ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

ឧត្តមសេនីយ៍ ហ៊ុន ម៉ាណែត៖​ ទំនាក់ទំនងរវាងកងទ័ពកម្ពុជា-ថៃ​ កាន់តែល្អប្រសើរ​ក្រោយពីចុះ​ហត្ថលេខា​កាលពីខែកុម្ភៈកន្លងទៅ

ជីវិតកម្សាន្ដ១៤ នាទី មុន

រ៉ាប៊ី ប្រតិកម្មឆ្លើយតបបន្ទាប់មានគេរិះគន់រឿងជូនលុយឪពុកម្តាយនារដូវភ្ជុំបិណ្ឌ

ជីវិតកម្សាន្ដ២៧ នាទី មុន

Pancake ត្រូវគេដាក់រហស្សនាមថា “កំពូលតារាបង្ហាញម៉ូដពិភពលោក” កម្រមានរឿងអាស្រូវ

ព័ត៌មានអន្ដរជាតិ៤១ នាទី មុន

បាងកក ដាក់ម៉ាស៊ីនបូមទឹកបន្ថែមទៀតដើម្បីរំដោះទឹកចេញពីទីក្រុង

នយោបាយ៥៥ នាទី មុន

អ្នកនយោបាយ មើលឃើញតាំងពីដំបូងថា បក្សភ្លើងទៀនមិនអាចចងសម្ព័ន្ធភាព ជាមួយគណបក្ស ៣ផ្សេងទៀតទេ

Sokha Hotels

ព័ត៌មានពេញនិយម