ព័ត៌មានអន្ដរជាតិ
មេដឹកនាំក្រុមអាល់កៃដា ត្រូវអាមេរិកសម្លាប់ ក្នុងការវាយប្រហារដោយយន្តហោះគ្មានមនុស្សបើក (មានវីដេអូ)
សហរដ្ឋអាមេរិក បានសម្លាប់មេដឹកនាំក្រុមអាល់កៃដា លោក Ayman al-Zawahiri ក្នុងប្រតិបត្តិការប្រឆាំងភេរវកម្មនៅប្រទេស អាហ្វហ្គានីស្ថាន។ នេះបើតាមការបញ្ជាក់ពីប្រធានាធិបតីអាមេរិក លោក Joe Biden កាលពីថ្ងៃចន្ទទី០១ខែសីហា។
គាត់ត្រូវបានសម្លាប់ក្នុងការវាយប្រហារដោយយន្តហោះគ្មានមនុស្សបើក របស់ CIA នៅរដ្ឋធានីកាប៊ុល ប្រទេសអាហ្វហ្គានីស្ថាន កាលពីថ្ងៃអាទិត្យ។
ក្រុមមន្ត្រីបាននិយាយថា លោក Zawahiri ស្ថិតនៅលើយ៉រនៃផ្ទះសុវត្ថិភាពមួយកន្លែង នៅពេលយន្តហោះគ្មានមនុស្សបើក បានបាញ់មីស៊ីលចំនួន២គ្រាប់ដាក់គាត់។ សមាជិកគ្រួសារផ្សេងទៀតក៏មានវត្តមាននៅទីនោះដែរ ប៉ុន្តែពួកគេមិនមានរបួសទេ ហើយមានតែលោក Zawahiri ប៉ុណ្ណោះដែលត្រូវបានសម្លាប់។
ទោះបីជាយ៉ាងណាក៏ដោយ អ្នកនាំពាក្យក្រុមតាលីបង់ បានពណ៌នាប្រតិបត្តិការរបស់អាមេរិកថាជាការបំពានយ៉ាងច្បាស់ លើគោលការណ៍អន្តរជាតិ។
អ្នកនាំពាក្យបន្ថែមថា “សកម្មភាពបែបនេះ គឺជាបទពិសោធន៍បរាជ័យដដែលៗក្នុងរយៈពេល ២០ឆ្នាំកន្លងមក ហើយប្រឆាំងនឹងផលប្រយោជន៍របស់សហរដ្ឋអាមេរិក អាហ្វហ្គានីស្ថាន និងតំបន់”។
គួរបញ្ជាក់ថា លោក Zawahiri បានកាន់កាប់ក្រុមអាល់កៃដា បន្ទាប់ពីការស្លាប់របស់ Osama bin Laden ក្នុងខែឧសភាឆ្នាំ២០១១។ គាត់និងលោក Bin Laden គឺជាអ្នករៀបចំការវាយប្រហារថ្ងៃ១១ខែកញ្ញា លើសហរដ្ឋអាមេរិកជាមួយគ្នា ហើយគាត់គឺជា ភេរវករដែល សហរដ្ឋអាមេរិក តាមចាប់ខ្លួនខ្លាំងបំផុត។
លោក Zawahiri ក៏ជាគ្រូពេទ្យវះកាត់ភ្នែកដែលបានជួយបង្កើតក្រុមសកម្មប្រយុទ្ធជីហាដឥស្លាមអេហ្ស៊ីបផងដែរ។
ជាវេជ្ជបណ្ឌិតជនជាតិអេហ្ស៊ីបដែលជាប់ពន្ធនាគារក្នុងទសវត្សរ៍ឆ្នាំ១៩៨០ ពីបទជាប់ពាក់ព័ន្ធក្នុងក្រុមសកម្មប្រយុទ្ធឥស្លាម, គាត់បានចាកចេញពីប្រទេសបន្ទាប់ពីការដោះលែង ហើយបានចូលរួមនៅក្នុងចលនាជីហាដអន្តរជាតិហិង្សាជាច្រើន។
នៅទីបំផុត គាត់បានតាំងទីលំនៅក្នុងប្រទេសអាហ្វហ្គានីស្ថាន ហើយបានចូលរួមជាមួយក្រុម Osama Bin Laden។ ពួកគេរួមគ្នាប្រកាសសង្គ្រាមលើសហរដ្ឋអាមេរិក និងរៀបចំការវាយប្រហារនៅថ្ងៃទី ១១ ខែកញ្ញា ឆ្នាំ ២០០១៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ យន្តហោះគ្មានមនុស្សបើកអាមេរិក សម្លាប់មេដឹកនាំជាន់ខ្ពស់ក្រុម អាល់កៃដា នៅស៊ីរី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង