មនុស្ស១០នាក់ត្រូវសម្លាប់ និង១៥នាក់រងរបួស ក្នុងហេតុការណ៍ចាក់ប្រហារ នៅ កាណាដា (មានវីដេអូ)

មនុស្សយ៉ាងតិច១០នាក់បានស្លាប់ និង១៥នាក់ផ្សេងទៀតរងរបួស ក្នុងហេតុការណ៍ចាក់ប្រហារដ៏រង្គាលមួយនៅខេត្ត Saskatchewan ភាគកណ្តាលប្រទេស កាណាដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះ ត្រូវបានគេឃើញនៅទីតាំងចំនួន១៣ ផ្សេងគ្នា។ 

ជនសង្ស័យពីរនាក់ត្រូវបានប៉ូលិសកំណត់អត្តសញ្ញាណគឺមានឈ្មោះ Damien Sanderson អាយុ ៣១ ឆ្នាំនិង Myles Sanderson អាយុ ៣០ ឆ្នាំ ហើយពេលនេះ កំពុងរត់គេចខ្លួន ខណៈប៉ូលិសព្រមានថា ពួកគេមានអាវុធ ហើយប្រាប់ឲ្យប្រជាពលរដ្ឋប្រយ័ត្នគ្រោះថ្នាក់។

នៅឯសន្និសីទសារព័ត៌មានកាលពីយប់ថ្ងៃអាទិត្យ មេប៉ូលិសខេត្ត Saskatchewan លោកស្រី Rhonda Blackmore បានព្រមានថា អាចមានអ្នករងរបួសបន្ថែមទៀត។

ស្របពេលជាមួយគ្នានោះ ខេត្ត​ទាំង​មូល ក៏បានប្រកាសអាសន្នផងដែរ។

ទោះបីជាយ៉ាងណាក៏ដោយ ភ្លាមៗនេះ គេមិនទាន់ដឹងអំពីមូលហេតុនៃការវាយប្រហារនេះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ កាណាដា នឹងអនុម័តច្បាប់ហាមប្រើ-ទិញ-លក់ កាំភ្លើងខ្លី រួមទាំងកាំភ្លើងជ័រ