ព័ត៌មានអន្ដរជាតិ
វៀតណាម ព្រមានថា សល់ពេលមិនច្រើនទេ ត្រូវជម្លៀសមនុស្សជាបន្ទាន់ មុនព្យុះ Noru មកដល់
នៅថ្ងៃអង្គារទី ២៧ខែកញ្ញានេះ ប្រទេសវៀតណាម បានជំរុញឲ្យជម្លៀសមនុស្សបន្ថែមទៀត ខណៈព្យុះទីហ្វុង Noru ដ៏ខ្លាំងក្លា កំពុងតម្រង់ទៅវាយប្រហារប្រទេសអាស៊ីអាគ្នេយ៍មួយនេះ បន្ទាប់ពីបណ្តាលឲ្យមនុស្សចំនួន ៨នាក់ស្លាប់ និងបង្កជាគ្រោះទឹកជំនន់ធំធេងនៅក្នុងប្រទេសហ្វីលីពីន។
ទីភ្នាក់ងារឧតុនិយមវៀតណាម និយាយថា ល្បឿនខ្យល់ នឹងឈានដល់ ១៨៣គីឡូម៉ែត្រក្នុងមួយម៉ោងនៅល្ងាចថ្ងៃអង្គារនេះ។ ព្យុះ Noru នឹងវាយប្រហារប្រទេសវៀតណាម មុនពេលចុះខ្សោយ រួចបន្តឆ្ពោះទៅប្រទេសថៃ។
ព្យុះទីហ្វុងនេះ បានបង្ខំឲ្យអាកាសយានដ្ឋានក្នុងប្រទេសវៀតណាមត្រូវបិទ ដែលបណ្តាលឲ្យមានការរំខានដល់ការធ្វើដំណើរ ខណៈមនុស្សរាប់ម៉ឺននាក់ត្រូវបានបង្ខំឲ្យជម្លៀសចេញពីផ្ទះរបស់ពួកគេ។
ក្នុងនោះដែរ ខេត្ត Quang Nam បានជម្លៀសមនុស្សជាង ១៣៣ ០០០នាក់។
លោកនាយករដ្ឋមន្ត្រី Pham Minh Chinh បាននិយាយនៅក្នុងកិច្ចប្រជុំឆ្លើយតបគ្រោះមហន្តរាយនៅថ្ងៃអង្គារថា “យើងមិនមានពេលច្រើនទេ។ ព្យុះនេះកាន់តែខ្លាំង ដូច្នេះការឆ្លើយតបរបស់យើងត្រូវតែខ្លាំងជាង និងលឿនជាង”។
អាជ្ញាធរអាកាសចរណ៍វៀតណាម បានបិទអាកាសយានដ្ឋានចំនួនប្រាំបួននៅទូទាំងប្រទេសចាប់តាំងពីថ្ងៃអង្គារទៅ ដោយបង្ខំឲ្យជើងហោះហើរក្នុងស្រុក និងអន្តរជាតិរាប់រយជើង ត្រូវលុបចោល។
រដ្ឋាភិបាលបាននិយាយនៅក្នុងសេចក្តីថ្លែងការណ៍មួយថា បុគ្គលិកយោធាប្រហែល ២៧០ ០០០នាក់ ត្រូវបានដាក់ពង្រាយ ត្រៀមធ្វើប្រតិបត្តិការជួយសង្គ្រោះ៕
ប្រែសម្រួល៖ Vann Vann
ប្រភព៖ CNA
ចុចអាន៖ ព្យុះទីហ្វុង Noru សម្លាប់មនុស្សដល់ទៅ ៦នាក់ និងបង្កការបំផ្លិចបំផ្លាញនៅ ហ្វីលីពីន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?