រុស្ស៊ី បញ្ជូនរថក្រោះបំបាំងកាយទំនើបបំផុត ទៅអ៊ុយក្រែន ជាលើកដំបូង

ទីភ្នាក់ងារសារព័ត៌មានរដ្ឋ RIA បានរាយការណ៍កាលពីថ្ងៃអង្គារទី២៥ខែមេសាថា ប្រទេសរុស្ស៊ីបានចាប់ផ្តើមប្រើប្រាស់រថក្រោះប្រយុទ្ធ T-14 Armata ថ្មីរបស់ខ្លួនហើយ ដើម្បីបាញ់ទៅលើទីតាំងរបស់អ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថក្រោះនេះ ត្រូវបានបំពាក់ដោយគ្រឿងការពារបន្ថែមនៅផ្នែកចំហៀង ហើយក្រុមប្រតិបត្តិការ បានឆ្លងកាត់ហ្វឹកហាត់ប្រយុទ្ធ ក្នុងតំបន់ Donbass ចាប់តាំងពីឆ្នាំ២០២២មក។

RIA បានរាយការណ៍ថា បើបើកនៅលើផ្លូវហាយវ៉េ រថក្រោះនេះមានល្បឿនអតិបរមា៨០គីឡូម៉ែត្រក្នុងមួយម៉ោង។

ព័ត៌មាន​នៃ​ការ​ដាក់​ពង្រាយ​ T-14 គឺកើតឡើង ចំពេល​ដែលទី​ក្រុង​កៀវ ​ត្រៀម​បើក​ការ​វាយលុកតបត ប្រឆាំងនឹងកម្លាំងរុស្ស៊ី។

លោក Konstantin Sivkov អនុប្រធានបណ្ឌិត្យសភាវិទ្យាសាស្ត្ររ៉ុកកែត និងកាំភ្លើងធំរបស់រុស្ស៊ី បានប្រាប់គេហទំព័រ URA.ru ថា រថក្រោះ T-14 នឹងត្រូវតទល់ជាចម្បង ប្រឆាំងនឹងរថក្រោះអង់គ្លេស Challenger 2 និង Leopard 2A6 របស់អាល្លឺម៉ង់ នៅអ៊ុយក្រែន។

លោក Sivkov បាននិយាយថា “បើគិតពីលក្ខណៈបច្ចេកទេស Armatata បានវ៉ាដាច់រថក្រោះលោកខាងលិចថ្មីបំផុតទាំងពីរនេះទៅទៀត។ T-14 អាចដំណើរការជា បញ្ជាការកណ្តាល នៅក្នុងកងរថក្រោះ T-90M របស់រុស្ស៊ី”។

គួរបញ្ជាក់ថា T-14 ត្រូវបានបង្ហាញជាសាធារណៈកាលពីឆ្នាំ២០១៥ ហើយបានចូលរួមការប្រយុទ្ធជាលើកដំបូងនៅក្នុងប្រទេសស៊ីរី ជាកន្លែងដែលកងកម្លាំងរុស្ស៊ី គាំទ្រការប្រយុទ្ធរបស់លោកប្រធានាធិបតី បាសា អាល់អាសាដ ប្រឆាំងនឹងក្រុមរដ្ឋឥស្លាម និងក្រុមសកម្មប្រយុទ្ធឥស្លាមផ្សេងទៀត៕

ប្រែសម្រួល៖ Vann Vann

ប្រភព៖ RT, Daily Mail

ចុចអាន៖ កងទ័ពអ៊ុយក្រែន ទៅដល់ចក្រភពអង់គ្លេស ដើម្បីហាត់ប្រើ រថក្រោះ