ទម្លាយវីដេអូ ដែលថតជាប់ ពេលយន្តហោះរបស់លោក Prigozhin ធ្លាក់

ចំពោះហេតុការណ៍ធ្លាក់យន្តហោះឯកជនរបស់មេទាហានស៊ីឈ្នួលរុស្ស៊ី ពេលនេះគេបានរកឃើញសាកសពមនុស្សទាំង១០នាក់ហើយ ថ្វីបើក្នុងគេមិនទាន់បញ្ជាក់ថាតើមានលោក Yevgeny Prigozhin ដែរឬអត់ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Prigozhin ត្រូវបានចុះបញ្ជីក្នុងចំណោមអ្នកដំណើរ ដែលជិះយន្តហោះឯកជន Embraer Legacy 600 មានលេខកន្ទុយ RA-02795 ធ្លាក់កាលពីថ្ងៃពុធទី២៣ខែសីហា នៅតំបន់ Tver នៃប្រទេសរុស្ស៊ី។

វីដេអូដែលថតបានស្តែងៗ គឺបង្ហាញពីខណៈពេលដែលយន្តហោះធ្លាក់ចុះ ហើយផ្ទុះឆេះនៅលើដី ហុយផ្សែងខ្មៅយ៉ាងខ្មួលខ្មាញ់។

ភ្លាមៗ ទីភ្នាក់ងារដឹកជញ្ជូនផ្លូវអាកាសសហព័ន្ធរបស់ប្រទេសរុស្ស៊ី Rosaviatsiya ក៏បានប្រកាសបង្កើតគណៈកម្មការពិសេសមួយ ដើម្បីស៊ើបអង្កេតមូលហេតុ និងកាលៈទេសៈនៃឧបទ្ទវហេតុនេះ។

គួរបញ្ជាក់ថា ក្រៅពីលោក Prigozhin, បុគ្គលសំខាន់ដែលមានឈ្មោះក្នុងបញ្ជីជិះលើយន្តហោះនោះមានដូចជាលោក Dmitry Utkin ជាអតីតប្រតិបត្តិករកងកម្លាំងពិសេសរុស្ស៊ី និងជាសហស្ថាបនិកនៃក្រុមទាហានស៊ីឈ្នួល Wagner, លោក Valery Chekalov ដែលសហរដ្ឋអាមេរិកចាត់ទុកថាជាអនុប្រធានក្រុមហ៊ុន Wagner, លោក Sergey Propustin, Evgeny Makaryan, Alexander Totmin និង Nikolay Matuseev ដែលជាក្រុមទាហានស៊ីឈ្នួល Wagner៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ក្រៅពីលោក Prigozhin នៅមានបុគ្គលសំខាន់ច្រើននាក់ទៀត ស្ថិតក្នុងបញ្ជីអ្នកជិះយន្តហោះដែលធ្លាក់