អតីតបេក្ខភាពប្រធានាធិបតី អាមេរិក ប្រាប់ឈ្មោះប្រទេសដែលលោក Putin ស្អប់ខ្លាំងបំផុត

អតីតបេក្ខភាពប្រធានាធិបតីអាមេរិក លោកស្រី Hillary Clinton បានប្រាប់អតីតអ្នកនាំពាក្យសេតវិមាន លោកស្រី Jen Psaki ថា ប្រធានាធិបតីរុស្ស៊ីលោក Vladimir Putin ស្អប់សហរដ្ឋអាមេរិកខ្លាំងណាស់ ហើយទីក្រុងមូស្គូនឹងបន្តជ្រៀតជ្រែងចូលទៅក្នុងការបោះឆ្នោតឆ្នាំ ២០២៤ ទៀត ព្រោះពួកគេធ្លាប់ធ្វើបែបនេះរួចទៅហើយកាលឆ្នាំ ២០១៦ និង ២០២០ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី Clinton បានលើកឡើងក្នុងអំឡុងបទសម្ភាសន៍ជាមួយសារព័ត៌មាន MSNBC កាលពីពេលថ្មីៗនេះថា “ប្រសិនបើលោក Putin មានឱកាស គាត់នឹងធ្វើវាម្ដងទៀត ព្រោះមេដឹកនាំរុស្ស៊ីរូបនេះស្អប់លទ្ធិប្រជាធិបតេយ្យខ្លាំងណាស់ ដោយសារតែទីក្រុងមូស្គូបានជួយលោក Donald Trump ឈ្នះឆ្នោតកាលពីឆ្នាំ ២០១៦” ។

លោកស្រីបាននិយាយទៀតថា “លោក Putin ក៏ស្អប់លោកខាងលិចខ្លាំងណាស់ដែរ ជាពិសេសគឺពួកយើងតែម្ដង ។ នៅពីក្រោយយុទ្ធសាស្ត្ររបស់លោក Putin គឺមានចេតនាបំផ្លាញ និងបែងចែកសហរដ្ឋអាមេរិក ។ ដូច្នេះលោកស្រីអំពាវនាវាដល់ជនជាតិអាមេរិកត្រូវចេះទប់ទល់ទៅនឹងការឃុបឃិតរបស់មេដឹកនាំរុស្ស៊ីរូបនេះ” ។

លោកស្រី Clinton បានបន្ថែមថា “យើងត្រូវតែបដិសេធនូវប្រភេទនៃពួកហ្វាស៊ីសនិយមដែលកំពុងបញ្ជ្រៀបចូលក្នុងមនុស្សជាតិរបស់យើង ជាពិសេសអ្នកដែលចង់បង្វែរការបោះឆ្នោតរបស់ពួកយើងទៅជារបបផ្តាច់ការ” ។

ទោះយ៉ាងណា រហូតមកដល់ពេលនេះមិនទាន់ការស៊ើបអង្កេតច្បាល់លាស់ណាមួយបង្ហាញថា រុស្ស៊ីពិតជាជ្រៀតជ្រែកក្នុងការបោះឆ្នោតជ្រើសរើសប្រធានាធិបតីសហរដ្ឋអាមេរិកនាពេលកន្លងមកនោះទេ ស្របពេលដែល FBI ក៏មិនមានព័ស្តុតាងបង្ហាញជាក់ច្បាស់ដូចគ្នា ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ រុស្ស៊ី កត់ឈ្មោះប្រធានតុលាការឧក្រិដ្ឋអន្តរជាតិ ICC ចូលក្នុងបញ្ជីខ្មៅ