ភាពតានតឹងនៃវិស័យអាកាសចរណ៍នៅអ៊ឺរ៉ុប កំពុងផ្ទុះឡើង

ដោយសារកត្តាវិបត្តិសេដ្ឋកិច្ចសកល បានធ្វើឱ្យប៉ះពាល់យ៉ាងខ្លាំងដល់វិស័យឧស្សាហកម្មអាកាសចរណ៍នៅអ៉ឺរ៉ុប ។ គេបានរកឃើញ មានជើងហោះហើររាប់ពាន់ជើងត្រូវបាពន្យាពេល និងលុបចោល នៅប្រទេសអ៊ីតាលី បែលហ្ស៊ិក អាល្លឺម៉ង់ បារាំង ព្រមទាំងអាកាសយានដ្ឋានជាច្រើនទៀតនៅទូទាំងទ្វីបអឺរ៉ុប ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនឹងសេដ្ឋកិច្ចអាប់អួរ និយោជិតក្នុងឧស្សាហកម្មជាច្រើនជាទូទៅត្រូវបានកាត់បន្ថយប្រាក់ខែ។ ហើយមនុស្សជាច្រើនបានបង្ខំចិត្តទទួលយកការងារដែលមានប្រាក់ឈ្នួលទាប ។

មិនខុសគ្នាពីវិស័យផ្សេងឡើយ សកម្មភាពកាត់បន្ថយប្រាក់ខែនិយោជិត ក៏ត្រូវបានអនុវត្តនៅក្នុងវិស័យទេសចរណ៍នៅអ៉ឺរ៉ុបផងដែរ ហើយមូលហេតុដែលនាំឱ្យជើងហោះហើររាប់ពាន់ជើងត្រូវបានពន្យា និងលុបចោលនោះ គឺដោយសារការធ្វើកូដកម្មពីសំណាក់បុគ្គលិក ដែលសកម្មភាពនេះបានអូសបន្លាយចាប់តាំងពីចុងឆ្នាំ ២០២៣ រហូតដល់ខែមករា ឆ្នាំ ២០២៤ ។ ជាក់ស្ដែង បុគ្គលិកនៅអាកាសយានដ្ឋានក្នុងទីក្រុង Alicante (អេស្ប៉ាញ) បានប្រកាសពីកូដកម្មរយៈពេលខ្លីជាបន្តបន្ទាប់នៅពេលថ្ងៃ ដោយចាប់ផ្តើមនៅក្នុងខែកញ្ញា ឆ្នាំ ២០២៣ រហូតដល់ថ្ងៃទី ១៤ ខែមករា។ ជាពិសេស ការគ្រប់គ្រងសន្តិសុខ និងសកម្មភាពរៀបចំឥវ៉ាន់នៅអាកាសយានដ្ឋាននឹងត្រូវផ្អាកជាបណ្តោះអាសន្នចាប់ពីម៉ោង ៨:៤៥ ព្រឹក ដល់ ៩:៤៥ ព្រឹក និង ៦:០០ ល្ងាច។

ទន្ទឹមគ្នានេះ ក្រុមហ៊ុនអាកាសចរណ៍ Iberia ប្រទេសអេស្ប៉ាញ ទើបតែជួបប្រទះការធ្វើកូដកម្មរយៈពេល ៣ថ្ងៃចាប់ពីថ្ងៃទី ៥ ដល់ទី៨ ខែមករា ៕

ប្រែសម្រួលដោយ÷ កុសល

ប្រភព÷ Zingnews