ព័ត៌មានអន្ដរជាតិ
យោធាមីយ៉ាន់ម៉ាមិនទាន់មានប្រតិកម្មអ្វីឡើយ ក្រោយអាមេរិកដាក់ទណ្ឌកម្ម
យោធាមីយ៉ាន់ម៉ាត្រូវបានគេជឿថាកំពុងឃ្លាំមើលយ៉ាងដិតដល់ថាតើទណ្ឌកម្មរបស់អាមេរិកនឹងមានទំហំប៉ុនណា និងថាតើប្រទេសជប៉ុន និងអឺរ៉ុបនឹងឆ្លើយតបយ៉ាងដូចម្តេច ។
សហរដ្ឋអាមេរិកកាលពីថ្ងៃព្រហស្បតិ៍បានដាក់ទណ្ឌកម្មលើយោធាមីយ៉ាន់ម៉ាដើម្បីឆ្លើយតបទៅនឹងរដ្ឋប្រហារដែលយោធាបានចាប់ផ្តើមកាលពីដើមខែនេះ ។
ក្រសួងរតនាគារសហរដ្ឋអាមេរិកបានប្រកាសនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ស្តីពីការដាក់ទណ្ឌកម្មថ្មីប្រឆាំងនឹងបុគ្គលចំនួន ១០ នាក់ដែលជាប់ទាក់ទងនឹងយោធា និងក្រុមហ៊ុនចំនួន ៣ ដែលជាកម្មសិទ្ធិ ឬគ្រប់គ្រងដោយយោធានៅក្នុងប្រទេសមីយ៉ាន់ម៉ា ។
ក្នុងចំណោមអ្នកដែលត្រូវបានដាក់ទណ្ឌកម្មមានអគ្គមេបញ្ជាការ Min Aung Hlaing និងអនុសេនីរបស់គាត់គឺលោក Soe Win ។ អ្នកទាំងពីរក៏ធ្លាប់ត្រូវបានដាក់ទណ្ឌកម្មនៅក្នុងឆ្នាំ ២០១៩ ចំពោះការរំលោភសិទ្ធិមនុស្សទាក់ទងនឹងការបង្ក្រាបដោយអំពើហិង្សារបស់យោធាទៅលើជនភៀសខ្លួនរ៉ូហ៊ីងយ៉ាដែលជាជនជាតិភាគតិចមូស្លីមរបស់ប្រទេស ។
ទន្ទឹមនោះក្រុមហ៊ុនចំនួន ៣ ដែលជាប់ទាក់ទងទៅនឹងយោធារបស់ប្រទេសមីយ៉ាន់ម៉ាដូចជា ក្រុមហ៊ុនសហគ្រាស Myanmar Ruby Enterprise ក្រុមហ៊ុន Myanmar Imperial Jade Co.,LTD និងក្រុមហ៊ុនត្បូង និងគ្រឿងអលង្ការ Cancri Co., LTD ក៏ត្រូវបានដាក់ទណ្ឌកម្មផងដែរ ។
បន្ថែមពីនេះថវិការដ្ឋាភិបាលរបស់មីយ៉ាន់ម៉ាប្រហែលជា ១ ពាន់លានដុល្លារស្ថិតនៅក្រោមយុត្តាធិការរបស់សហរដ្ឋអាមេរិកក៏ត្រូវបានបង្កកផងដែរ ។
រហូតមកដល់ពេលនេះយោធាមីយ៉ាន់ម៉ាមិនទាន់មានប្រតិកម្មអ្វីចំពោះចំណាត់ការរបស់សហរដ្ឋអាមេរិកនៅឡើយទេ ។
ក្នុងអំឡុងពេលប៉ុន្មានឆ្នាំនៅពេលដែលប្រទេសមីយ៉ាន់ម៉ាស្ថិតនៅក្រោមការគ្រប់គ្រងរបស់យោធា កំណើនសេដ្ឋកិច្ចរបស់ប្រទេសនេះក៏ត្រូវបានរារាំងដោយការដាក់ទណ្ឌកម្មដោយប្រទេសដទៃទៀតផងដែរ ។
កាលពីថ្ងៃសុក្រប្រជាជនបានធ្វើដំណើរតាមដងផ្លូវក្នុងទីក្រុងយ៉ាំងហ្គោន និងទីក្រុងដទៃទៀត ទោះបីយោធាបានដាក់ការហាមឃាត់មិនឲ្យមានការប្រមូលផ្តុំមនុស្ស ៥ នាក់ ឬច្រើនជាងនេះក៏ដោយ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ Breaking News! បាតុករមីយ៉ាន់ម៉ាដែលត្រូវប៉ូលិសបាញ់គ្រាប់ពិតចំក្បាល ស្លាប់ហើយ
ចុចអាន ៖ សហរដ្ឋអាមេរិកដាក់ទណ្ឌកម្មមន្ត្រីយោធាមីយ៉ាន់ម៉ា ១០ រូបពីបទធ្វើរដ្ឋប្រហារ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង