ព័ត៌មានអន្ដរជាតិ
អតីតនាយករដ្ឋមន្ត្រីថៃ ថាក់ស៊ីន អាចដោះលែងមានសេរីភាពនៅខែក្រោយ
អតីតនាយករដ្ឋមន្ត្រីថៃដែលកំពុងជាប់ពន្ធនាគារលោក ថាក់ស៊ីន ស៊ីណាវ៉ាត់ត្រា អាចមានលក្ខណៈសម្បត្តិគ្រប់គ្រាន់សម្រាប់ការដោះលែងឲ្យនៅក្រៅឃុំនាខែក្រោយ ដោយសារកត្តាអាយុ និងបញ្ហាសុខភាពរបស់គាត់ ។ នេះបើយោងតាមការចេញផ្សាយរបស់សារពត៌មាន CNA កាលពីថ្ងៃទី១៨ ខែមករា ។
ទោះយ៉ាងណា ឆ្លើយតបទៅនឹងសំណួររបស់អ្នកសារព័ត៌មានដែលសួរថាតើ លោក ថាក់ស៊ីន អាចនឹងត្រូវបានដោះលែងនៅក្នុងខែកុម្ភៈដែរឬទេ ដោយផ្អែកលើកត្តាអាយុ និងបញ្ហាសុខភាព? លោក Sitthi Sutivong អគ្គនាយករងនៃនាយកដ្ឋានពន្ធនាគារថៃបានប្រាប់ថា ខាងនាយកដ្ឋានមិនទាន់ទទួលបានសំណើជាផ្លូវការពីពន្ធនាគារក្រុងបាងកក Remand អំពីរឿងរ៉ាវដោះលែងលោក ថាក់ស៊ីន នៅឡើយនោះទេ ។
គួរបញ្ជាក់ថា លោក ថាក់ស៊ីន វ័យ ៧៤ ឆ្នាំបានចូលសម្រាកព្យាបាលនៅមន្ទីរពេទ្យ ដោយសារជំងឺលើសឈាម ពោលរយៈពេលប៉ុន្មានម៉ោងប៉ុណ្ណោះ ក្រោយត្រលប់ចូលស្រុកថៃវិញកាលពីខែសីហា ឆ្នាំ២០២៣ ដើម្បីអនុវត្តការកាត់ទោសរយៈពេល ៨ ឆ្នាំពីបទរំលោភអំណាច បន្ទាប់ពីរស់នៅនិរទេសខ្លួនឯងរយៈពេល ១៥ ឆ្នាំ ។
ត្រលប់ទៅឆ្នាំ ២០០៦ លោក ថាក់ស៊ីន ត្រូវបានទម្លាក់ចេញពីអំណាចនៅក្នុងរដ្ឋប្រហារយោធា ហើយអតីតមហាសេដ្ឋីទូរគមនាគមន៍ និងជាអតីតម្ចាស់ក្លឹបបាល់ទាត់មេឃខៀវ Manchester City រូបនេះត្រូវបានយោធាចោទប្រកាន់ពីបទពុករលួយ បក្ខពួកនិយម និងរំលោភអំណាច ហើយត្រូវបានកាត់ទោសឲ្យជាប់ពន្ធនាគារក្នុងឆ្នាំ ២០០៨ ៕
ដោយ ៖ ប៊ុន សុភាព
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ