ព័ត៌មានអន្ដរជាតិ
ដូណាល់ ត្រាំ មានទឹកមាត់លេប ក្រោយបេក្ខជនលេចធ្លោ សម្រេចដកខ្លួន ងាកមកគាំទ្រលោកវិញ
នៅទីបំផុត តាមការចុះផ្សាយរបស់ CNN, អភិបាលរដ្ឋ Florida លោក Ron DeSantis ដែលជាបេក្ខជនលេចធ្លោមួយរូបខាងគណបក្សសាធារណរដ្ឋ បានសម្រេចចិត្តដកខ្លួនចេញពីការប្រកួតប្រជែងរើសអ្នកតំណាងបក្ស ហើយងាកមកគាំទ្រលោក ដូណាល់ ត្រាំ ដើម្បីបន្តទៅប្រយុទ្ធជាមួយលោក ចូ បៃដិន ក្នុងការបោះឆ្នោតរើសប្រធានាធិបតីខែវិច្ឆិកា។
លោកនិយាយថា លោកច្បាស់ក្នុងចិត្តថា គ្មានផ្លូវឈ្នះឡើយ ហើយការងាកទៅគាំទ្រលោក ត្រាំ គឺដោយសារតែលោកមើលឃើញថា អ្នកគាំទ្រគណបក្សសាធារណរដ្ឋភាគច្រើនពេញចិត្តលោកត្រាំជាង ហើយចង់ផ្តល់ឱកាសមួយទៀត ដល់អតីតប្រធានាធិបតីរូបនេះ។
ត្បិតលោក DeSantis ធ្លាប់ជាអ្នកប្រឆាំងលោកត្រាំក៏ពិតមែន ប៉ុន្តែពេលនេះលោកអះអាងថា លោកសង្ឃឹមចាប់ដៃគ្នា ដើម្បីផ្តួលលោក ចូ បៃដិន ឲ្យបាន។
ក្រោយការប្រកាសរបស់លោក DeSantis, លោក ត្រាំ បានថ្លែងប្រាប់អ្នកគាំទ្រនៅរដ្ឋ New Hampshire ថា “គូប្រជែងធំយើងម្នាក់ បានដកខ្លួន ហើយមកគាំទ្រយើងវិញ។ អ្នកគាំទ្ររបស់គាត់ភាគច្រើននឹងមកបោះឆ្នោតឲ្យយើង តែតាមពិតទៅ យើងមិនត្រូវការពួកគេទេ”។
នៅពេលនេះ បេក្ខជនរឹងមាំខាងគណបក្សសាធារណរដ្ឋដែលគេសន្មតថានឹងប្រកួតប្រជែងគ្នាស្វិតស្វាញនោះ គឺមានតែលោក ត្រាំ និងលោកស្រី Nikki Haley ប៉ុណ្ណោះ។
សូមបញ្ជាក់ថា កាលពីសប្តាហ៍មុន លោក ត្រាំ បានទទួលជ័យជម្នះយ៉ាងធំធេង ក្នុងការបោះឆ្នោតបឋមលើកដំបូងរបស់គណបក្សសាធារណរដ្ឋក្នុងរដ្ឋ Iowa។
តាមការចុះផ្សាយរបស់ CNN, ក្នុងការបោះឆ្នោតរដ្ឋ Iowa នៅថ្ងៃអង្គារទី១៦ខែមករា លោក ត្រាំ ឈ្នះសំឡេងគាំទ្រលើស៥០% ហើយទទួលបានតំណាងរាស្រ្តលើសគូប្រជែងដល់ទៅ៣ដងឯណោះ។
តាមលទ្ធផល លោក ត្រាំ ទទួលបានសំឡេងឆ្នោត៥៦២១០ ជាមួយនឹងតំណាងរាស្រ្តចំនួន២០ ចំណែកលេខ២បានទៅលើលោក Ron DeSantis ទទួលបានសំឡេង២៣៤០០ ជាមួយតំណាងរាស្រ្តចំនួន៨រូប រីឯលេខ៣បានទៅលើលោកស្រី Nikki Haley ទទួលបានសំឡេង២១០៧៦ ជាមួយតំណាងរាស្រ្តចំនួន៧រូប។
ផុតពីរដ្ឋ Iowa បេក្ខជនបក្សសាធារណរដ្ឋ នឹងត្រូវធ្វើដំណើរទៅកាន់រដ្ឋ New Hampshire សម្រាប់ការបោះឆ្នោតបឋមជុំបន្ទាប់៕
អត្ថបទ៖ សុខ សុវណ្ណ
ចុចអាន៖ បើកឆាកបោះឆ្នោតបឋម លោក ត្រាំ ឈ្នះភ្លូកទឹកភ្លូកដី នៅរដ្ឋ Iowa
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ