ព័ត៌មានអន្ដរជាតិ
កូឡុំប៊ី នឹងកាត់ផ្ដាច់ការទូតជាមួយអ៉ីស្រាអ៊ែល ជុំវិញរឿងសង្គ្រាមនៅកាហ្សា
លោក Gustavo Petro ប្រធានាធិបតីកូឡុំប៊ី បានប្រកាសពីគម្រោងកាត់ផ្ដាច់ទំនាក់ទំនងការទូតជាមួយអ៉ីស្រាអ៊ែល ពាក់ព័ន្ធនឹងសង្គ្រាមនៅក្នុងតំបន់កាហ្សា។ ការថ្លែងរបស់លោក Petro បានធ្វើឡើងនៅក្នុងវេទិកាសាធារណៈនៅទីក្រុងបូហ្គោតា អំឡុងទិវាពលកម្មអន្តរជាតិ កាលពីថ្ងៃទី១ ខែឧសភា។
លោកប្រធានាធិបតី បាននិយាយថា បណ្ដាប្រទេសនានាមិនអាចនៅអសកម្មនៅក្នុងការប្រឈមមុខជាមួយវិបត្តិដែលកំពុងកើតមាននៅកាហ្សា ខណៈដែលអ្នកជំនាញ និងអ្នកគាំពារសិទ្ធិមនុស្សបានព្រមានថា បញ្ហានេះអាចក្លាយជាការប្រល័យពូជសាសន៍។ លោក Petro បន្តថា “នៅទីនេះនៅមុខអ្នករាល់គ្នា ក្នុងនាមជារដ្ឋាភិបាលនៃការផ្លាស់ប្ដូរ រដ្ឋាភិបាលនៃសាធារណៈរដ្ឋ សូមប្រកាសថា ស្អែកយើងនឹងផ្ដាច់ទំនាក់ទំនងការទូតជាមួយរដ្ឋអ៉ីស្រាអ៊ែល ដែលមានរដ្ឋាភិបាល និងប្រធានាធិបតី ដែលមានទំនោរទៅរកការប្រល័យពូជសាសន៍”។
មេដឹកនាំឆ្វេងនិយមរបស់កូឡុំប៊ី បានកាន់អំណាចកាលពីឆ្នាំ២០២២កន្លងទៅ ហើយលោកគឺជាបុគ្គលម្នាក់ក្នុងចំណោមអ្នករិះគន់ខ្លាំងៗចំៗជាងគេទៅលើអ៉ីស្រាអ៊ែល ដែលបានចាប់ផ្ដើមសង្គ្រាមនៅកាហ្សា កាលពីថ្ងៃទី៧ ខែតុលា ឆ្នាំ២០២៣។ កូឡុំប៊ី បានប្រកាសផ្អាកការទិញអាវុធរបស់អ៉ីស្រាអ៊ែល នៅខែកុម្ភៈ ឆ្នាំ២០២៤ ក្រោយអ៉ីស្រាអ៊ែលបានវាយប្រហារក្រុមប៉ាឡេស្ទីនដើម្បីដណ្ដើមយកជំនួយស្បៀងនៅកាហ្សា។ លោក Petro បានហៅទង្វើនេះថាគឺជាការរំឭកឡើងវិញនូវអំពើប្រល័យពូជសាសន៍ហូឡូខូស (ឆ្នាំ១៩៤១-១៩៤៥)៕
ដោយ៖ ឈាង
-
សន្តិសុខសង្គម៨ ម៉ោង agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
ព័ត៌មានជាតិ៥ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៣ ថ្ងៃ agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ៤ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
ព័ត៌មានអន្ដរជាតិ២ ថ្ងៃ agoរដ្ឋបាលលោក ត្រាំ បកស្រាយថា «សង្គ្រាមចប់ហើយ» ដើម្បីគេចពីការសុំច្បាប់សភា
-
ព័ត៌មានជាតិ៦ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ១ សប្តាហ៍ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន
-
ព័ត៌មានអន្ដរជាតិ៦ ថ្ងៃ agoមកពីថៃវិញ សង្ឃ២២អង្គ ត្រូវប៉ូលិសស្រីលង្កា ឃាត់ខ្លួន ជាមួយគ្រឿងញៀនជាង ១០០គីឡូក្រាម