Connect with us

ព័ត៌មានអន្ដរជាតិ

អ៊ីរ៉ង់ មិនទាន់ចេញលទ្ធផលស៊ើបអង្កេតករណីធ្លាក់ឧទ្ធម្ភាគចក្រប្រធានាធិបតី ព្រោះនៅសង្ស័យ

បានផុស

នៅ

ទូរទស្សន៍រដ្ឋអ៊ីរ៉ង់ IRIB បានរាយការណ៍កាលពីថ្ងៃពុធទី២៩ខែឧសភាថា មកទល់ពេលនេះ ក្រុមអ្នកស៊ើបអង្កេត មិនទាន់ចេញលទ្ធផលកំណត់ពីមូលហេតុពិត ដែលបណ្តាលឲ្យធ្លាក់ឧទ្ធម្ភាគចក្រឆក់យកជីវិតលោកប្រធានាធិបតី Ebrahim Raisi នៅឡើយទេ ព្រោះនៅមានមន្ទិលសង្ស័យមួយចំនួន។

(រូបថត៖ EPA)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គសេនាធិការអ៊ីរ៉ង់ ដែលទទួលភារកិច្ចស៊ើបអង្កេតករណីនេះ បានចេញសេចក្តីថ្លែងការណ៍ថា “យើងក៏មិនទាន់ហ៊ានអះអាងដែរថា ឧទ្ធម្ភាគចក្រនោះហោះទៅបុកភ្នំហើយផ្ទុះឆេះ បណ្តាលមកពីស្នាដៃរបស់មនុស្ស”។

ទោះបីជាយ៉ាងណាក៏ដោយ ក្រុមអ្នកស៊ើបអង្កេតរកឃើញថា ឧបទ្ទវហេតុនេះពិតជាមិនទាក់ទងនឹងចន្លោះប្រហោង ដែលបណ្តាលមកពីការជួសជុលនិងថែទាំឧទ្ធម្ភាគចក្រមិនបានល្អនោះទេ។ ដូចគ្នានេះដែរ ទម្ងន់របស់ឧទ្ធម្ភាគចក្រនៅពេលហោះឡើងគឺ ស្ថិតក្នុងដែនកំណត់ដែលអនុញ្ញាត”។

(រូបថត៖ AFP)

តាមការស៊ើបអង្កេត, ឧទ្ធម្ភាគចក្រដឹកប្រធានាធិបតី បានទាក់ទងចុងក្រោយបំផុតជាមួយឧទ្ធម្ភាគចក្រពីរគ្រឿងទៀត ៦៩វិនាទីមុនពេលធ្លាក់ ប៉ុន្តែមិនបានបញ្ជូនសញ្ញាអាសន្នអ្វីទេ។ យ៉ាងណា លក្ខខណ្ឌអាកាសធាតុនៅតាមបណ្តោយផ្លូវត្រឡប់មកវិញ ចាំបាច់ត្រូវស៊ើបអង្កេតបន្ថែម។

សូមបញ្ជាក់ជាថ្មីថា ឧទ្ធម្ភាគចក្រ Bell 212 ផលិតដោយសហរដ្ឋអាមេរិក ដែលដឹកលោក Raisi និងរដ្ឋមន្ត្រីការបរទេស Hossein Amir-Abdollahian ព្រមទាំងមន្ត្រីអ្នកមុខអ្នកការច្រើននាក់ទៀត បានធ្លាក់កាលពីថ្ងៃទី១៩ខែឧសភា ក្នុងខេត្ត East Azerbaijan ប្រទេសអ៊ីរ៉ង់ ដោយ សម្លាប់អ្នកជិះទាំងអស់។

(រូបថត៖ TOI)

សពលោក Raisi ត្រូវ​បាន​បញ្ចុះកាលពី​ថ្ងៃ​ពុធ​សប្តាហ៍​មុន​ក្នុង​ទីក្រុង Mahshad ដែលជាស្រុកកំណើតរបស់​គាត់។ ស្របពេលជាមួយគ្នានោះដែរ រដ្ឋាភិបាលទីក្រុង តេហេរ៉ង់ បានប្រកាសថា ការបោះឆ្នោតជ្រើសរើសអ្នកស្នងតំណែងរបស់គាត់នឹងធ្វើឡើងនៅថ្ងៃទី ២៨ ខែមិថុនា។

ស្របពេលប្រទេសកំពុងជួបវិបត្តិនយោបាយ អនុប្រធានាធិបតី Mohammad Mokhber ត្រូវឡើងកាន់តំណែងជាប្រធានាធិបតីស្តីទី សិន៕

អត្ថបទ៖ សុខ សុវណ្ណ

ចុចអាន៖ អ៊ីរ៉ង់ រៀបចំពិធីបុណ្យសពប្រធានាធិបតី និងកាន់ទុក្ខរយៈពេល ៥ថ្ងៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៦ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៤ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម