ព័ត៌មានអន្ដរជាតិ

លោក Trump បង្ហោះសារចំៗថា ស្អប់ Taylor Swift ខ្លាំងបំផុត

បានផុស

៧ ខែ មុន

នៅ

ថ្ងៃចន្ទ ១៦ កញ្ញា ២០២៤

ដោយ

អតីតប្រធានាធិបតី Donald Trump បានដាក់គោលដៅលើ Taylor Swift នៅក្នុងការបង្ហោះ Truth Social កាលពីថ្ងៃអាទិត្យ ដោយប្រកាសពីការមិនពេញចិត្តចំពោះកំពូលតារារូបនេះ បន្ទាប់ពីនាងបានគាំទ្រគូប្រជែងរបស់គាត់គឺអតីតអនុប្រធានាធិបតី Kamala Harris ។

លោក Trump បានសរសេរថា “I Hate Taylor Swift!” នៅលើប្រព័ន្ធផ្សព្វផ្សាយសង្គម ហើយការបង្ហោះនេះត្រូវបានសរសេរជាអក្សរធំទាំងអស់ ដោយមិនមានការពិពណ៌នា ឬការពន្យល់ណាមួយផ្សេងទៀត ដែលបង្ហាញយ៉ាងច្បាស់ពីអត្ថន័យឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីប្រកាសរបស់គាត់បានលេចចេញនៅលើអ៊ីនធឺណិតតិចជាងមួយសប្តាហ៍ បន្ទាប់ពី Taylor Swift បានបង្ហាញជាសាធារណៈ លើកដំបូងនូវផែនការរបោះឆ្នោតឲ្យ Harris ដែលជាបេក្ខភាពតំណាងមកពីគណបក្សប្រជាធិបតេយ្យនៅក្នុងការបោះឆ្នោតប្រធានាធិបតីនៅឆ្នាំ២០២៤។ ការយល់ព្រមរបស់នាងបានធ្វើឡើងបន្ទាប់ពីការជជែកដេញដោលលើកដំបូងរវាង Trump និង Harris កាលពីថ្ងៃទី ១០ ខែកញ្ញា ភ្លាមៗ តារាចម្រៀងបានបង្ហាញពីការគាំទ្ររបស់ខ្លួនចំពោះលោកស្រី Harris នៅលើ Instagram ថា “ខ្ញុំនឹងបោះឆ្នោតឲ្យ Harris ព្រោះនាងបានប្រយុទ្ធដើម្បីសិទ្ធិ និងបុព្វហេតុ ហើយខ្ញុំជឿថាវាត្រូវការអ្នកចម្បាំងដើម្បីការពារពួកគេ។ ខ្ញុំគិតថានាង គឺជាអ្នកដឹកនាំដែលមានស្ថេរភាព និងមានទេពកោសល្យ ខ្ញុំជឿទៀតថា យើងអាចសម្រេចបានច្រើននៅក្នុងប្រទេសនេះ ប្រសិនបើយើងត្រូវបានដឹកនាំដោយភាពស្ងប់ស្ងាត់ និងភាពវឹកវរតិចបំផុត»។

មិនត្រឹមតែប៉ុណ្ណឹងទេ តារាចម្រៀងវ័យ៣៤ឆ្នាំក៏បានសម្តែងការគាំទ្រចំពោះលោក Tim Walz អភិបាលរដ្ឋ Minnesota បានជ្រើសរើសធ្វើជាអនុប្រធានប្រតិបត្តិរបស់ Harris ដោយកត់សម្គាល់ពីរបៀបដែលគាត់បា ក្រោកឈរឡើងសម្រាប់សិទ្ធិ LGBTQ+, IVF, និងសិទ្ធិរបស់ស្ត្រីចំពោះរាងកាយរបស់នាងអស់រយៈពេលជាច្រើនទសវត្សរ៍មកហើយ។

Taylor Swift ថែមទាំងទទួលស្គាល់ទៀតថា Trump ថ្មីៗនេះបានចែករំលែករូបភាពដែលបង្កើតដោយបញ្ញាសិប្បនិម្មិតនៅលើគណនី Tuth Social របស់គាត់ ដែលបង្ហាញពីស្ត្រីពាក់អាវយឺត Taylor Swift Supports Trump ហើយបានស្នើក្លែងក្លាយថានាងគាំទ្រគាត់។ នាងនិយាយថា ឧបទ្ទវហេតុនេះបានជំរុញឲ្យនាងភ័យខ្លាចអំពីបញ្ញាសិប្បនិម្មិត និងគ្រោះថ្នាក់នៃការផ្សព្វផ្សាយព័ត៌មានមិនពិត។ នាងបានថា នេះនាំឲ្យខ្ញុំសន្និដ្ឋានថា ក្នុងនាមជាអ្នកបោះឆ្នោត ខ្ញុំត្រូវតែមានតម្លាភាពអំពីផែនការជាក់ស្តែងរបស់ខ្ញុំសម្រាប់ការបោះឆ្នោតនេះ។ មធ្យោបាយងាយស្រួលបំផុតក្នុងការប្រយុទ្ធប្រឆាំងនឹងព័ត៌មានមិនពិតគឺជាការពិត”។

យ៉ាងណាមិញ វាកម្រណាស់ដែលការទទួលស្គាល់របស់តារាល្បីមានផលប៉ះពាល់ខ្លាំង ជាពិសេសអ្នកតាមដាន IG របស់ Taylor Swift មានលើសពី២៨០ លាននាក់ ហើយការបង្ហោះរបស់នាងគាំទ្រ Kamala Harris មាន ១១.០៦ លានចូលចិត្ត។ ទោះបីជាវាមិនច្បាស់ថាមានឥទ្ធិពលអ្វីដល់ការគាំទ្ររបស់ Taylor Swift ក៏ដោយ ក៏ការបង្ហោះ IG របស់នាងបានទាក់ទាញអ្នកប្រើប្រាស់ជាង ៤០០,០០០នាក់ឲ្យចូលមើលគេហទំព័រព័ត៌មានបោះឆ្នោត “vote.gov” នៅថ្ងៃបន្ទាប់៕