ព័ត៌មានអន្ដរជាតិ

តុលាការធម្មនុញ្ញកូរ៉េខាងត្បូងឈានដល់សវនាការបូកសរុបនៅសប្តាហ៍ក្រោយ

បានផុស

៣ សប្តាហ៍ មុន

នៅ

ថ្ងៃអង្គារ ១១ កុម្ភៈ ២០២៥

ដោយ

តុលាការធម្មនុញ្ញប្រទេសកូរ៉េខាងត្បូងដែលកំពុងដំណើរការសវនាការលើបណ្តឹងចោទប្រកាន់និងទម្លាក់ប្រធានាធិបតី Yoon Suk Yeol ពីអំណាច គ្រោងនឹងបូកសរុបដំណើរការនីតិវិធីលើអង្គហេតុនៅសប្តាហ៍ក្រោយ ខណៈសាលក្រមត្រូវបានគេរំពឹងទុកនៅក្នុងខែចុងខែនេះឬដើមខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយរបស់សារព័ត៌មានកូរ៉េខាងត្បូង The CHOISUN Daily អ្នកជំនាញផ្នែកច្បាប់បាននិយាយថា តុលាការធម្មនុញ្ញរបស់កូរ៉េខាងត្បូងអាចនឹងបញ្ចប់ការកាត់ក្តីចោទប្រកាន់ប្រធានាធិបតី Yoon Suk-yeol នៅដើមសប្តាហ៍ក្រោយ ជាមួយនឹងសាលក្រមដែលរំពឹងទុកនៅចុងខែកុម្ភៈ ឬដើមខែមីនា។

ខណៈពេលដែលនយោបាយកូរ៉េខាងត្បូងកំពុងតែល្អក់កករខ្លាំង តុលាការធម្មនុញ្ញដែលបច្ចុប្បន្នមានសមាជិក៨រូបក្នុងចំណោម៩រូប ហាក់បីដូចជាកំពុងពន្លឿនដំណើរការនេះ គោលបំណងសម្រាប់សេចក្តីសម្រេចក្នុងខែមីនា បន្ទាប់ពីសវនាការលើកទីប្រាំបីដែលបានគ្រោងទុកនៅថ្ងៃទី១៣ខែកុម្ភៈ។

ប្រសិនបើពេលវេលាកំណត់ សាលក្រមនឹងកើតឡើងប្រហែល ៧០ទៅ៨០ថ្ងៃបន្ទាប់ពីសំណុំរឿងនេះត្រូវបានដាក់កាលថ្ងៃទី១៤ខែធ្នូឆ្នាំ២០២ ក្រោយសភាបោះឆ្នោតទម្លាក់ដោយសំឡេងគាំទ្រលើស២ភាគ៣នៃសមាជិកសភាសរុប៣០០សំឡេង។

តុលាការធម្មនុញ្ញកូរ៉េខាងត្បូង ធ្លាប់បានកាត់ក្តីលើពាក្យបណ្តឹងរបស់សភាប្រឆាំងអតីតប្រធានាធិបតី Park Geun-hye ដោយប្រើប្រាស់៩១ថ្ងៃ និង ប្រឆាំងអតីតប្រធានាធិបតី Roh Moo-hyun ដោយប្រើប្រាស់ពេលវេលាន៦៣ថ្ងៃ៕

ដោយ រ៉ាន់ រើយ