ព័ត៌មានអន្ដរជាតិ
ប៉ាគីស្ថានបាញ់សាកល្បងមីស៊ីលបាលិស្ទិក ចំពេលមានភាពតានតឹងកាន់តែខ្លាំងជាមួយឥណ្ឌា
ប្រទេសប៉ាគីស្ថាន បានបាញ់សាកល្បងដោយជោគជ័យនូវមីស៊ីលបាលិស្ទិក Abdali កាលពីថ្ងៃសៅរ៍ទី៣ខែឧសភា ចំពេលមានភាពតានតឹងកាន់តែខ្លាំងឡើងជាមួយឥណ្ឌា បន្ទាប់ពីការវាយប្រហារដ៏សាហាវទៅលើភ្ញៀវទេសចរនៅតំបន់កាស្មៀរ។
យោងតាមមន្ត្រីយោធាប៉ាគីស្ថាន មីស៊ីលដែលមានរយៈចម្ងាយប្រមាណ ៤៥០គីឡូម៉ែត្រ ត្រូវបានបាញ់បង្ហោះ ដើម្បីបង្កើនសុពលភាពនៃប្រតិបត្តិការ និងវឌ្ឍនភាពបច្ចេកទេស។ ការសាកល្បងនេះ ត្រូវបានគេមើលឃើញថាជាសញ្ញាយុទ្ធសាស្ត្រចំពេលទំនាក់ទំនងទ្វេភាគីរវាងប៉ាគីស្ថាន និងឥណ្ឌាកាន់តែយ៉ាប់យ៉ឺន។
ការសាកល្បងមីស៊ីល ធ្វើឡើងបន្ទាប់ពីមានការវាយប្រហារដោយកាំភ្លើងកាលពីថ្ងៃទី២២ខែមេសា នៅទីក្រុងរមណីយដ្ឋាន Pahalgam ស្ថិតនៅក្នុងតំបន់ជម្លោះកាស្មៀរ ដែលអ្នកទេសចរ ២៦នាក់មកពីរដ្ឋចំនួន១៣ របស់ឥណ្ឌាត្រូវបានសម្លាប់។ ឥណ្ឌាបន្ទោសប៉ាគីស្ថានចំពោះការសម្លាប់រង្គាលនេះ ត្រូវតែប៉ាគីស្ថានបដិសេធ។
ជាការឆ្លើយតបទៅនឹងការវាយប្រហារ ឥណ្ឌាបានផ្អាកទំនាក់ទំនងការទូត និងសេដ្ឋកិច្ចសំខាន់ៗ រួមទាំងការហាមឃាត់នាវា និងផលិតផលនាំចូលពីប៉ាគីស្ថាន។ ប៉ាគីស្ថាន បានសងសឹកដោយការបញ្ឈប់ពាណិជ្ជកម្មតាមព្រំដែន បិទដែនអាកាសរបស់ខ្លួនចំពោះយន្តហោះឥណ្ឌា និងបណ្តេញអ្នកការទូតឥណ្ឌាចេញ។
សូមបញ្ជាក់ថា ប្រទេសទាំងពីរ ធ្លាប់មានប្រវត្តិជម្លោះលើតំបន់កាស្មៀរ ដោយបានធ្វើសង្គ្រាមចំនួនបីលើករួចមកហើយតាំងពីទទួលបានឯករាជ្យ៕
ដោយ៖ ឈាង
ចុចអាន៖ រន្ធត់! ទេសចរ ២៦នាក់ ត្រូវខ្មាន់កាំភ្លើងបាញ់សម្លាប់នៅតំបន់ កាស្មៀរ
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម១៣ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ