ព័ត៌មានអន្ដរជាតិ

ផែថងថាន ចេញមុខសុំទោសលើកទី២ត្រឹម២ថ្ងៃ ក្រោមសម្ពាធនយោបាយដ៏ក្តៅគគុក

បានផុស

១ year មុន

នៅ

ថ្ងៃព្រហស្បតិ៍ ១៩ មិថុនា ២០២៥

ដោយ

នាយករដ្ឋមន្ត្រីថៃ ផែថងថាន ស៊ីណាវ៉ាត្រ (Paetongtarn Shinawatra) នៅរសៀលថ្ងៃព្រហស្បតិ៍ទី១៩មិថុនានេះ បានចេញមុខសុំទោសប្រជាជនថៃជាថ្មីម្តងទៀត បន្ទាប់ពីការនិយាយសុំទោសម្តងរួចហើយកាលថ្ងៃទី១៨ខែមិថុនា ប៉ុន្តែសម្ពាធនយោបាយ និងជម្លោះផ្ទៃក្នុងនយោបាយថៃកាន់តែឡើងកម្តៅ។

លោកស្រី ផែថងថាន ធ្វើសន្និសីទសារព័ត៌មាន និងនិយាយសុំទោសប្រជាជន។ FB

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយករដ្ឋមន្ត្រី ផែថងថាន ចេញមុខសុំទោសដោយលើកដៃសំពះ ចំពោះការបែកធ្លាយវីដេអូឃ្លីបមួយដែលជាការសន្ទនារបស់នាង ជាមួយ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា ជុំវិញការស្នើឲ្យបើកព្រំដែនដែលយោធាថៃ សម្រេចឲ្យបិទជាឯកតោភាគី។

បន្ទាប់ពីកិច្ចប្រជុំក្រុមប្រឹក្សាសន្តិសុខជាតិ ដែលមានវត្ថមានរដ្ឋមន្ត្រីក្រសួងការពារជាតិ និងថ្នាក់ដឹកនាំយោធាថៃនៅព្រឹកថ្ងៃព្រហស្បតិ៍នេះ ក្នុងការនិយាយសុំទោសទៅកាន់ប្រជាជនខ្លួន លោកស្រី ផែថងថា បានហៅការបែកសារសន្ទនានោះ ថា«ជាការគំរាមកំហែងដល់សន្តិសុខជាតិ»។

លោកស្រី ផែថងថាន ត្រូវបានស្រង់សម្តីដោយសារព័ត៌មាន Khaosod ដូចបាននិយាយថា៖««ខ្ញុំសូមអភ័យទោសដល់បងប្អូនជនជាតិថៃទាំងអស់គ្នា ទាក់ទងនឹងការបែកធ្លាយវីដេអូឃ្លីបនៃការសន្ទនារបស់ខ្ញុំជាមួយមេដឹកនាំកម្ពុជា ខ្ញុំមិនដឹងថាវានឹងត្រូវបានថត និងផ្សព្វផ្សាយដូចនេះទេ»។

ការចេញមុខសុំទោសជាលើកទី២ក្នុងរយៈពេល២ថ្ងៃ គឺនៅពេលជម្លោះនយោបាយថៃកើនឡើងកម្តៅ ដោយសារតែ ការខឹងអន់ចិត្តរបស់មេបញ្ជាការថៃប្រចាំភូមិភាគ២ ការដកខ្លួនរបស់គណបក្ស Bhumjaithai ពីរដ្ឋាភិបាលចម្រុះដែលធ្វើឲ្យរដ្ឋាភិបាលលោកស្រីអាចប្រឈមភាពមិនស្របច្បាប់ ការដាក់ពាក្យប្តឹងពីតំណាងព្រឹទ្ធសភា ការព្រមានពីគណបក្សប្រឆាំងក្រៅរដ្ឋាភិបាលឲ្យទទួលខុសត្រូវ និង សម្ពាធពីមហាជនអ្នកជាតិនិយមថៃ ឲ្យលោកស្រីចុះចេញពីអំណាច៕