ព័ត៌មានអន្ដរជាតិ

បក្ស «Thai Sang Thai» បដិសេធចូលរួមបង្កើតរដ្ឋាភិបាលចម្រុះដោយភឿថៃ

បានផុស

២ ម៉ោង មុន

នៅ

ថ្ងៃសៅរ៍ ២១ មិថុនា ២០២៥

ដោយ

គណបក្ស Thai Sang Thai ឬឈ្មោះជាភាសាខ្មែរថា គណបក្ស«ថៃកសាងប្រទេសថៃ» ដែលមានអាសនៈសមាជិកសភាចំនួន៦ បានចេញសេចក្តីប្រកាសនៅល្ងាចថ្ងៃទី២១ ខែមិថុនានេះ ច្រានចោលលទ្ធភាពនៃការចូលរួមក្នុងរដ្ឋាភិបាលចម្រុះដឹកនាំដោយគណបក្សភឿថៃ ដែលគ្រោងរុះរើគណៈរដ្ឋមន្ត្រីរបស់ខ្លួននៅពេលខាងមុខនេះ។

លោកស្រី Sudarat Keyuraphan ប្រធានគណបក្ស Thai Sang Thai ក្នុងពេលចូលរួមប្រជុំសភាកន្លងមក។ FB

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីប្រកាសរបស់ខ្លួន គណបក្ស Thai Sang Thai បានសរសេរថា ទាក់ទងនឹងរបាយការណ៍ប្រព័ន្ធផ្សព្វផ្សាយដែលលើកឡើងថាសមាជិកមួយចំនួននៃគណបក្ស Thai Sang Thai អាចគាំទ្រការរុះរើគណៈរដ្ឋមន្ត្រីរបស់រដ្ឋាភិបាលបច្ចុប្បន្ន ដោយខ្លះអាចត្រូវបានគេតែងតាំងជារដ្ឋមន្ត្រីនោះ គណបក្ស Thai Sang Thai ចង់ជូនដំណឹងដល់សាធារណជនថា គណបក្សនេះនៅតែប្រកាន់ខ្ជាប់នូវមនោគមវិជ្ជានយោបាយរបស់ខ្លួនក្នុងនាមជាគណបក្សប្រឆាំង។ «យើងនឹងមិនក្បត់ការសន្យាដែលគណបក្សThai Sang Thaiបានធ្វើចំពោះប្រជាជនក្នុងពេលឃោសនាបោះឆ្នោតនោះទេ។

ក្នុងសេចក្តីថ្លៃងការណ៍នោះ គណបក្សដែលនៅក្រៅរដ្ឋាភិបាលចម្រុះតាំងពីដើមមកនេះ បានបញ្ជាក់ថា ប្រសិនបើសមាជិកគណបក្សណាមួយចូលរួមជាមួយរដ្ឋាភិបាល ឬគណបក្សនយោបាយណាមួយ ទោះក្នុងឋានៈជារដ្ឋមន្ត្រី ឬក្នុងមុខតំណែងផ្សេងទៀត បុគ្គលនោះត្រូវបានស្នើសុំឱ្យធ្វើសកម្មភាពស្របតាមច្បាប់ បទប្បញ្ញត្តិគណបក្ស និងសីលធម៌នយោបាយ ដោយ «ការលាលែង» ពីសមាជិកភាពគណបក្ស។ នេះដោយសារគណបក្សមិនគាំទ្រ ឬយល់ស្របចំពោះទង្វើបែបនេះ។ ជាងនេះទៅទៀត ពួកគេគួរតែមានភាពក្លាហានជាបុរស ដោយធ្វើសកម្មភាពដោយត្រង់ៗ និងមិនគួរតែងតាំងអ្នកតែងតាំងឱ្យកាន់តំណែងជំនួសពួកគេឡើយ។

ជាងនេះទៅទៀត នាយករដ្ឋមន្ត្រី ឬគណបក្សនយោបាយណាមួយដែលមានបំណងចង់ឱ្យសមាជិកគណបក្ស Thai Sang Thai ចូលរួមការងារ ឬរដ្ឋាភិបាល ត្រូវគិតគូរពីក្រមសីលធម៌ និងសីលធម៌នយោបាយ។ វាមិនគួរនិយាយអំពីការទទួលបានសំឡេងភាគច្រើននៅក្នុងរដ្ឋាភិបាលដោយពឹងផ្អែកលើអ្វីដែលគេហៅថា «ពស់វែក» (សំដៅទៅលើសមាជិកសភាដែលបន្លំខ្លួន)។ នេះបង្ហាញពីនយោបាយ«ទុច្ចរិត» និងការមិនគោរពឆន្ទៈអ្នកបោះឆ្នោត ដែលអាចជាការរំលោភក្រមសីលធម៌ធ្ងន់ធ្ងរដូចមានចែងក្នុងរដ្ឋធម្មនុញ្ញ។

សំខាន់ការប៉ុនប៉ងរបស់នាយករដ្ឋមន្ត្រីដើម្បីរក្សាអំណាចដោយពឹងលើល្បិច«ពស់វែក» បំផ្លាញតម្លៃសីលធម៌ និងសុចរិតភាពក្នុងសង្គមថៃ ដែលជារឿងដែលមេដឹកនាំមិនគួរធ្វើ។

គណបក្ស Thai Sang Thai នឹងអនុវត្តច្បាប់ និងបទប្បញ្ញត្តិគណបក្សយ៉ាងតឹងរ៉ឹងប្រឆាំងនឹងអ្នកដែលបំពានរដ្ឋធម្មនុញ្ញ ច្បាប់រៀបចំគណបក្សនយោបាយ និងបទប្បញ្ញត្តិគណបក្សទាក់ទងនឹងគុណធម៌នយោបាយ និងបទដ្ឋានសីលធម៌។ នេះជាការបង្កើតស្ដង់ដារនយោបាយថ្មីដែលគណបក្សប្ដេជ្ញាកសាង៖ «នយោបាយស្មោះត្រង់»៕