ថៃ ប្រឈមគ្រោះធម្មជាតិធ្ងន់ធ្ងរ ខណៈទឹកទន្លេមេគង្គ ហក់ឡើងខ្ពស់

ប្រទេសថៃបានចេញការព្រមានអំពីគ្រោះធម្មជាតិធ្ងន់ធ្ងរដូចជាទឹកជំនន់ បំណាក់ដី និងភ្លៀងធ្លាក់ខ្លាំងទូទាំងប្រទេសដល់សប្តាហ៍ក្រោយ ស្របពេលទឹកទន្លេមេគង្គ ក៏កំពុងហក់ឡើងខ្ពស់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីរាយការណ៍របស់ The Nation នៅថ្ងៃអាទិត្យទី៥ខែកក្កដាឆ្នាំ២០២៥, ការិយាល័យធនធានទឹកជាតិថៃ (ONWR) បានជូនដំណឹងដល់ប្រជាពលរដ្ឋឲ្យរក្សាការប្រុងប្រយ័ត្នខ្ពស់ចំពោះហានិភ័យនៃគ្រោះធម្មជាតិ ចាប់ពីថ្ងៃទី៦-១២ខែកក្កដា ខណៈខេត្តមួយចំនួននឹងកើតទឹកជំនន់ ទន្លេមេគង្គ។

កាលពីសប្តាហ៍មុន ខេត្តចំនួន១៧ របស់ថៃ ដូចជា Chiang Rai, Phayao, Nan, Tak, Loei, Nong Khai, Bueng Kan, Udon Thani, Roi Et, Yasothon, Surin, Si Sa Ket, Ubon Ratchathani, Chanthaburi, Trat, Ranong និង Phangnga ក៏កើតមានបំណាក់ដីនិងទឹកជំនន់ផងដែរ។

សូមជម្រាបថា ប៉ុន្មានសប្តាហ៍ចុងក្រោយនេះ មិនមែនតែថៃទេ ពោលគឺប្រទេសមួយចំនួននៅក្នុងតំបន់អាស៊ីអាគ្នេយ៍ បានជួបគ្រោះធម្មជាតិជាពិសេសភ្លៀងធ្លាក់ខ្លាំងនិងខ្យល់កន្ត្រាក់តែម្តង ដោយសារតែឥទ្ធិពលនៃព្យុះជាបន្តបន្ទាប់៕

អត្ថបទ៖ សុខ សុវណ្ណ

ចុចអាន៖ ១៧ខេត្តនៅថៃ ប្រឈមហានិភ័យបាក់ដីនិងគ្រោះទឹកជំនន់