ថៃ សុំឲ្យមានកិច្ចចរចាផ្នែកការទូត ដើម្បីបន្ធូរបន្ថយភាពតានតឹងជាមួយកម្ពុជា

នាយករដ្ឋស្តីទីថៃ Phumtham Wechayachai បានស្នើឲ្យមានកិច្ចចរចាផ្នែកការទូតហើយ ដើម្បីកាត់បន្ថយអំពើហិង្សានៅតាមព្រំដែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ The Nation នៅថ្ងៃសុក្រទី២៥ខែកក្កដាឆ្នាំ២០២៥ លោក Phumtham បានបញ្ជាក់ថា រដ្ឋាភិបាលនិងយោធាថៃកំពុងធ្វើការជាមួយប្រធានអាស៊ាន គឺនាយករដ្ឋមន្ត្រីម៉ាឡេស៊ី អាន់វ៉ា អ៊ីប្រាហ៊ីម (Anwar Ibrahim) ដើម្បីបញ្ចប់ជម្លោះឲ្យបានឆាប់រហ័ស។

ទន្ទឹមនោះលោកបន្ថែមថា អាស៊ាននឹងជួបពិភាក្សាជាមួយនាយករដ្ឋមន្ត្រីកម្ពុជា សម្តេចបវរធិបតីហ៊ុនម៉ាណែត មុន រួចនឹងពិភាក្សាជាមួយភាគីថៃ ដើម្បីឆ្ពោះទៅរកដំណោះស្រាយដោយសន្តិវិធី។

យ៉ាងណា លោក Phumtham នៅតែហ៊ានចោទប្រកាន់ទាំងមិនអៀនមាត់និងផ្ទុយស្រឡះថា កម្ពុជា ជាអ្នកបង្ហាញបំណងឈ្លានពានថៃ និងរំលោភច្បាប់អន្តរជាតិ ទាំងដែលថៃខ្លួនឯងនោះ ជាអ្នកផ្តើមជម្លោះមុនសោះ៕

អត្ថបទ៖ សុខ សុវណ្ណ

ចុចអាន៖ តើប្រទេសណាខ្លះបង្ហាញប្រតិកម្មជុំវិញជម្លោះព្រំដែនកម្ពុជា-ថៃ?