ថៃ កំពុងរងទុក្ខដោយសារគ្រោះធម្មជាតិវាយប្រហារផ្ទួនៗ

គ្រោះធម្មជាតិកំពុងវាយប្រហារប្រទេសថៃយ៉ាងដំណំផ្ទួនៗ ដោយមានទាំងទឹកជំនន់ និងបំណាក់ដី ហើយខែក្រោយនេះ នឹងមានព្យុះថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ គិតត្រឹមថ្ងៃទី២៩ខែកក្កដាឆ្នាំ២០២៥ ស្រុកម៉ែសៃ នៃខេត្តឈៀងរ៉ៃ ត្រូវវាយប្រហារធ្ងន់ធ្ងរដោយទឹកជំនន់។

ដោយសារតែទឹកទន្លេហក់ឡើងយ៉ាងគំហុកសូម្បីទំនប់ក៏ទប់លែងជាប់, សហគមន៍ចំនួន៤ត្រូវបង្ខំុចិត្តជម្លៀសពលរដ្ឋ ព្រោះថាកម្ពស់ជំនន់ឡើងដល់ត្រឹមទ្រូងឯណោះ។

ដូច្នេះហើយ ទើបតំបន់ខ្លះនៃខេត្តនេះត្រូវប្រកាសអាសន្ន ហើយមិនមែនតែឈៀងរ៉ៃទេ ទឹកជំនន់ក៏បន្តប៉ះពាល់ដល់ខេត្តផ្សេងទៀតផងដែរ ដូចជាណាន និងព្រែ ជាដើម។

នៅខេត្តឈៀងរ៉ៃ ដដែលនោះ ក៏មានសេចក្តីរាយការណ៍អំពីបំណាក់ដី កាត់ផ្តាច់ផ្លូវ និងបង្កផលប៉ះពាល់ដល់សមគមន៍ផងដែរ។ វាបានបង្កជាទុកវេទនាមួយកម្រិតទៀត ដល់ពលរដ្ឋក្នុងតំបន់ ជាពិេសសសម្រាប់ការធ្វើដំណើរទូទៅតែម្តង។

នៅខែក្រោយ តំបន់ភាគខាងជើងនិងកណ្តាល រួមទាំងរាជធានីបាងកកផងដែរនោះ នឹងត្រូវទទួលព្យុះត្រូពិក ចំណែកតំបន់ឆ្នេរ Andaman ដូចជា ភូកេត និង ក្រាប៊ី សុទ្ធតែនឹងមានភ្លៀងធ្លាក់ខ្លាំង។

សូមជម្រាបថា ជារៀងរាល់ឆ្នាំ ប្រជាពលរដ្ឋថៃពិត តែងរងទុក្ខវេទនាពីគ្រោះធម្មជាតិជាច្រើនប្រភេទ ដែលបង្កផលប៉ះពាល់យ៉ាងធ្ងន់ធ្ងរដល់ជីវិត សុខភាព ទ្រព្យសម្បត្តិ និងជីវភាពរស់នៅរបស់ពួកគេ។ ជាក់ស្តែង ទឹកជំនន់ដ៏ធំក្នុងឆ្នាំ២០១១ បានឆក់យកជីវិតមនុស្សជាង ៨០០ នាក់៕

អត្ថបទ៖ សុខ សុវណ្ណ

ចុចអាន៖ ថៃជួបគ្រោះទៀតហើយ! ផ្ទុះរោងចក្រកាំជ្រួច ស្លាប់មនុស្ស៩នាក់