ព័ត៌មានអន្ដរជាតិ

យោធាកូរ៉េខាងត្បូង ធ្លាក់ចុះ ២០% ក្នុងរយៈពេល ៦ ឆ្នាំ ចំពេលចំនួនប្រជាជនថយចុះ

បានផុស

៩ ខែ មុន

នៅ

ថ្ងៃចន្ទ ១១ សីហា ២០២៥

ដោយ

របាយការណ៍ក្រសួងការពារជាតិកូរ៉េខាងត្បូងបានបង្ហាញថា កម្លាំងយោធាសកម្មរបស់កូរ៉េខាងត្បូងបានធ្លាក់ចុះ ២០% ក្នុងរយៈពេល៦ឆ្នាំចុងក្រោយនេះមកត្រឹម ៤៥ ម៉ឺននាក់ ដែលភាគច្រើនដោយសារតែការថយចុះយ៉ាងខ្លាំងនៃចំនួនប្រជាជនបុរសដែលមានសិទ្ធិបំពេញកាតព្វកិច្ច។

ទាហានដើរដង្ហែក្នុងពិធីប្រារព្ធខួបលើកទី៧៦នៃទិវាកងកម្លាំងប្រដាប់អាវុធកូរ៉េ នៅក្រុង Seongnam ប្រទេសកូរ៉េខាងត្បូង ថ្ងៃទី១ ខែតុលា ឆ្នាំ២០២៤។ (រូបភាព៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចេញផ្សាយរបស់ទីភ្នាក់ងារព័ត៌មាន Reuters នៅថ្ងៃទី១០ខែសីហា ការធ្លាក់ចុះចំនួនយោធារបស់កូរ៉េខាងត្បួង ឆ្លុះបញ្ចាំងពីអត្រាកំណើតទាបរបស់ប្រទេសនេះគឺ ០.៧៥ ក្នុងឆ្នាំ ២០២៤ និងចំនួនប្រជាជនដែលមានវ័យចំណាស់យ៉ាងឆាប់រហ័ស។

ចំនួនបុរសដែលមានអាយុ ២០ ឆ្នាំដែលជាអាយុចូលបម្រើការងារយោធារជាទូទៅបានធ្លាក់ចុះ ៣០% នៅចន្លោះឆ្នាំ ២០១៩ និង ២០២៥ ដែលធ្វើអោយការខ្វះខាតកាន់តែអាក្រក់ទៅៗទាំងក្នុងយោធា។ យោធាមិនមានបុគ្គលិកគ្រប់គ្រាន់ទេ ពោលគឺខ្វះពលទាហានប្រហែល ៥០.០០០ នាក់រួមទាំងរួមទាំងមន្រ្តីថ្នាក់កណ្តាលចំនួន ២១.០០០នាក់ថែមទៀតដើម្បីបំពេញតម្រូវការការពារជាតិ។

យោធាកូរ៉េខាងត្បូងបានធ្លាក់ចុះមកប្រហែល ៦៩ ម៉ឺននាក់នៅដើមទសវត្សរ៍ឆ្នាំ ២០០០ ខណៈដែលកូរ៉េខាងជើងនៅតែរក្សាបានចំនួនទាហានប្រមាណ ១.២ លាននាក់។ ទោះបីជាមានការថយចុះនៃកម្លាំងមនុស្សក៏ដោយ ក៏ទីក្រុងសេអ៊ូលបានកាត់បន្ថយរយៈពេលបំពេញកាតព្វកិច្ចមកត្រឹម ១៨ខែ ដោយលើកឡើងពីប្រព័ន្ធអាវុធទំនើប ឧស្សាហកម្មការពារដ៏រឹងមាំ និងសម្ព័ន្ធភាពរបស់ខ្លួនជាមួយសហរដ្ឋអាមេរិក។

គួរបញ្ជាក់ថាកាតព្វកិច្ចចូលប្រើទាហានក្នុងប្រទេសកូរ៉េខាងត្បូងមានតាំងពីឆ្នាំ ១៩៥៧ ហើយតម្រូវឱ្យពលរដ្ឋប្រុសអាយុចន្លោះពី ១៨ ទៅ ៣៥ ឆ្នាំដើម្បីបំពេញកាតព្វកិច្ចយោធា។ ស្ត្រីមិនត្រូវបានតម្រូវឱ្យបំពេញកាតព្វកិច្ចយោធាទេ ប៉ុន្តែពួកគេអាចចូលបម្រើយោធាដោយស្ម័គ្រចិត្ត។

ចំនួនប្រជាជនរបស់ប្រទេសកូរ៉េខាងជើងដែលមានចំនួនដល់ទៅ ៥១,៨ លាននាក់ក្នុងឆ្នាំ ២០២០ ត្រូវបានគេព្យាករណ៍ថានឹងធ្លាក់ចុះមកត្រឹម ៣៦,២ លាននាក់នៅឆ្នាំ ២០៧២ ដែលអាចធ្វើឱ្យកាន់បញ្ហប្រឈមក្នុងការជ្រើសរើសយោធាកាន់តែធ្ងន់ធ្ងរ៕