ព័ត៌មានអន្ដរជាតិ
អ៊ុយក្រែនបដិសេធសំណើរបស់ ពូទីន សម្រាប់ជំនួបនៅទីក្រុងមូស្គូ
ប្រទេសអ៊ុយក្រែន បានច្រានចោលបំណងរបស់ប្រធានាធិបតីរុស្ស៊ីលោក វ៉្លាឌីមៀរ ពូទីន ដែលអញ្ជើញលោក វ៉ូឡូឌីមៀរ ហ្សេលេនស្គី ទៅកាន់ទីក្រុងមូស្គូដើម្បីពិភាក្សា ដោយចាត់ទុកសំណើនេះថា«មិនអាចទទួលយកបានទេ»។
រដ្ឋមន្ត្រីការបរទេសអ៊ុយក្រែនលោក Andrii Sybiha បាននិយាយកាលពីថ្ងៃពុធទី៣កញ្ញាថា លោក ពូទីន មិនមានបំណងសុច្ចរិតទេ។ លោកថា «ទាំងនេះគឺជាសំណើដ៏ធ្ងន់ធ្ងរ ហើយប្រធានាធិបតី ហ្សេលេនស្គី បានត្រៀមខ្លួនរួចជាស្រេចសម្រាប់កិច្ចប្រជុំបែបនេះនៅពេលណាក៏បាន។ ប៉ុន្តែលោក ពូទីន នៅតែបន្តរញ៉េរញ៉ៃជាមួយមនុស្សគ្រប់គ្នាដោយបង្កើតសំណើដែលមិនអាចទទួលយកបានដោយចេតនា»។
លោកបានកត់សម្គាល់ថា យ៉ាងហោចណាស់ប្រទេសចំនួន៧ ដូចជា អូទ្រីស បុរីវ៉ាទីកង់ ស្វីស តួកគី និងរដ្ឋឈូងសមុទ្រចំនួន៣ បានយល់ព្រមរួចមកហើយធ្វើជាម្ចាស់ផ្ទះកិច្ចចរចាសន្តិភាពអ៊ុយក្រែន-រុស្ស៊ី។
លោក Sybiha បានសង្កត់ធ្ងន់ថា «មានតែសម្ពាធកើនឡើងប៉ុណ្ណោះដែលអាចបង្ខំរុស្ស៊ីឲ្យមានភាពប្រាកដប្រជាអំពីដំណើរការសន្តិភាព»។
មុននេះ លោក ពូទីន បានប្រាប់អ្នកសារព័ត៌មាននៅទីក្រុងប៉េកាំងថា លោកបានត្រៀមខ្លួនជាស្រេចដើម្បីធ្វើជាម្ចាស់ផ្ទះសម្រាប់លោក ហ្សេលេនស្គី ក្នុងទីក្រុងមូស្គូ ដោយបន្ថែមថា គំនិតនេះត្រូវបានពិភាក្សាជាមួយប្រធានាធិបតីអាមេរិក ដូណាល់ ត្រាំ ក្នុងអំឡុងពេលកិច្ចប្រជុំរបស់ពួកគេនៅរដ្ឋអាឡាស្កាកាលពីខែមុន។ យ៉ាងណាមិញ ទន្ទឹមនឹងការលើកឡើងអំពីកិច្ចប្រឹងប្រែងការទូត លោក ពូទីន ក៏បានព្រមានផងដែរថា ប្រសិនបើគ្មានការរីកចម្រើនទេ រុស្ស៊ីនឹង«ត្រូវដោះស្រាយរាល់កិច្ចការដោយមធ្យោបាយប្រដាប់អាវុធ»៕
ដោយ៖ ឈាង
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន