ព័ត៌មានអន្ដរជាតិ

រដ្ឋមន្ត្រីសង្គ្រាមអាមេរិក ថា នឹងដឹកនាំប្រយុទ្ធបញ្ចប់ជម្លោះដែលគ្មានទីបញ្ចប់ ក្រោយប្តូរឈ្មោះក្រសួង

បានផុស

៩ ខែ មុន

នៅ

ថ្ងៃសៅរ៍ ៦ កញ្ញា ២០២៥

ដោយ

ប្រធានាធិបតីសហរដ្ឋអាមេរិក លោក ដូណាល់ ត្រាំ (Donald Trump) បានចុះហត្ថលេខាលើក្រឹត្យប្រធានាធិបតី ដើម្បីប្តូរឈ្មោះក្រសួងការពារជាតិទៅជាក្រសួងសង្គ្រាមជាផ្លូវការនៅរសៀលថ្ងៃសុក្រម៉ោងនៅសហរដ្ឋអមេរិក ត្រូវនឹងព្រលឹមថ្ងៃសៅរ៍ម៉ោងនៅកម្ពុជា។

ប្រធានាធិបតី ដូណាល់ ត្រាំ លើកបង្ហាញក្រឹត្យប្តូរឈ្មោះក្រសួងដែលទើបចុះហត្ថលេខារួច។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលដែលចុះហត្ថលេខារួច ប្រធានាធិបតី ដូណាល់ ត្រាំ បានហៅថា៖«នោះគឺជារឿងដ៏ធំមួយ»។ ការចុះហត្ថលេខាលើការប្តូរឈ្មោះក្រសួងទៅជាក្រសួងសង្គ្រាមនាពេលនេះ កើតឡើងចំពេលពិភពលោកមានភាពអសន្តិសុខជាខ្លាំង ហើយ ការប្រឹងប្រែងដើម្បីបញ្ចប់សង្គ្រាមនៅអ៊ុយក្រែនរបស់សហរដ្ឋអាមេរិក បានបរាជ័យ។

ការសម្រេចរបស់រដ្ឋបាលប្រធានាធិបតីដូណាល់ ត្រាំនេះ នឹងផ្តល់សិទ្ធិអំណាចដល់រដ្ឋមន្ត្រីការពារជាតិអាមេរិក លោក Pete Hegseth ដើម្បីប្រើឈ្មោះជាផ្លូវការ «ក្រសួងសង្គ្រាម រដ្ឋមន្ត្រីសង្គ្រាម អនុរដ្ឋមន្ត្រីសង្គ្រាម» នៅក្នុងការឆ្លើយឆ្លងជាផ្លូវការក្នុងរដ្ឋាភិបាល និង ការទំនាក់ទំនង ដោយមិនចាំបាច់ប្តូរឈ្មោះក្រសួងឡើយ។ នេះបើយោងតាមការចេញផ្សាយរបស់ The USA Today។

ទោះបីជាការចុះហត្ថលេខាលើក្រឹត្យប្រធានាធិបតីបានធ្វើឡើងនៅពេលនេះ ប៉ុន្តែការពិភាក្សាលើលទ្ធភាពនៃការប្តូរឈ្មោះក្រសួងនេះបានកើតឡើងច្រើនខែមកហើយ។

តាមពិតទៅក្រសួងសង្គ្រាមរបស់សហរដ្ឋអាមេរិកនេះត្រូវបានបង្កើតឡើងពីឆ្នាំ១៧៨៩ ដល់១៩៤៧ ហើយ ការប្តូរឈ្មោះនេះទៅជាក្រសួងការពារជាតិបានកើនឡើងនៅពាក់កណ្តាលសតវត្សរ៍ទី២០នោះ។

តាមការចេញផ្សាយរបស់ភ្នាក់ងារសារព័ត៌មានបរទេស លោក Pete Hegseth បានអះអាថា ការប្តូរឈ្មោះទៅឈ្មោះដើមនេះនឹងអនុញ្ញាតឲ្យក្រសួងដែលលោកដឹកនាំនេះ ប្រយុទ្ធចំមុខ និងរារាំងជម្លោះគ្មានដែនបញ្ជប់នេះ៕

រ៉ាន់ រើយ