សុខភាព

កន្ទួតព្រៃជាផ្លែឈើពិបាករក! តែបើនិយាយពីអត្ថប្រយោជន៍វិញ គឺស្មើនឹងឱសថធម្មជាតិ

បានផុស

៥ years មុន

នៅ

ថ្ងៃពុធ ២៣ មិថុនា ២០២១

ដោយ

កន្ទួតព្រៃមានរសជាតិល្វីងនិងចត់ខ្លះៗសម្រាប់អ្នកមិនចេះញ៉ាំ អាចពិបាកឬមិនចង់ប៉ះតែម្ដង។ ប៉ុន្តែអ្នកមិនដឹងទេថា ផ្លែឈើព្រៃនេះជាឪសថព្យាបាលរោគជាច្រើនមុខ សឹងមិនគួរឲ្យជឿ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ សម្រាប់ប្រឆាំងភាពចាស់និងស្បែកស្រស់ថ្លា

អង់ទីអុកស៊ីដង់និងវីតាមីន C មានច្រើននៅក្នុងខ្លួនមនុស្សកាន់តែច្រើន អាចការពារភាពចាស់មុនអាយុ។ កោសិកាត្រូវបានការពារពីខាងក្នុង មានន័យថាគ្មានវត្តមានរ៉ាឌីកាល់ដែលបង្កគ្រោះថ្នាក់ឡើយ។ វាធ្វើឲ្យស្បែកមើលទៅក្មេងជាងវ័យនិងស្រស់ស្រាយជាងធម្មតា ជាពិសេសបំបាត់មុននិងជាំ។

២ ល្អសម្រាប់ការរំលាយអាហារនិងសម្រកទម្ងន់

ការបំបែកប្រូតេអ៊ីនយ៉ាងងាយស្រួលពីអាហារដែលបានញ៉ាំ ក៏ដូចជាដំណើរការសុខភាពទូទៅនៃការរំលាយអាហារនឹងជួយសម្រួលដល់ការរំលាយអាហារដែលមានសុខភាពល្អ។ ជាពិសេសគឺសម្រាប់ការសម្រកទម្ងន់របស់ស្រ្តីៗ។

៣ សម្រាប់ចំណង់អាហារ

ការលាយម្សៅកន្ទួតព្រៃលាយជាមួយទឹកឃ្មុំបរិភោគមុនពេលហូបអាហារ អាចធ្វើឲ្យចំណង់អាហារប្រសើរឡើង។ ដូច្នេះសម្រាប់អ្នកដែលមានបញ្ហាចំណង់អាហារមិនសូវហូប ដូចជាភាពស្លេកស្លាំង គ្រុនក្ដៅ ការរំលាយអាហារពិបាក មានជំងឺថ្លើម បញ្ហាផ្លូវដង្ហើម និងលក្ខខណ្ឌផ្សេងទៀតអាចជួយបានដោយកន្ទួតព្រៃ។

៤ សម្រាប់ឆ្អឹង

ផ្លែឈើនេះមានជាតិកាល់ស្យូមដែលជាជំនួយដល់ការអភិវឌ្ឍឆ្អឹងរឹងមាំនិងមានសុខភាពល្អ រួមទាំងធ្មេញនិងអញ្ចាញផងដែរ។ ផ្លែឈើព្រៃនេះគឺចាំបាច់សម្រាប់មនុស្សចាស់ ចាប់តាំងពីឆ្អឹងមានសភាពផុយស្រួយបើប្រៀបធៀបទៅនឹងក្មេង។

៤ សម្រាប់អ្នកជំងឺមហារីក

cytotoxic ដែលមាននៅក្នុងផ្លែឈើនេះ ផ្តោតលើការវិវត្តនៃជំងឺមហារីកមាត់ស្បូននិងមហារីកអូវែ។ សារធាតុប្រឆាំងអុកស៊ីតកម្មនិងវីតាមីន C នៃកន្ទួតព្រៃ ជួយធ្វើឲ្យរ៉ាឌីកាល់ដែលបង្កគ្រោះថ្នាក់ដល់កោសិកា អាចកាត់បន្ថយពីជំងឺមហារីក។

៥ សម្រាប់សុខភាពពោះវៀន

ដោយសារតែកន្ទួតព្រៃគឺជាផ្លែឈើព្រៃ និងជំនួយដល់សុខភាព ហើយមានប្រយោជន៍ជាច្រើនដូចជាការជួយធ្វើឲ្យកើនឡើងនូវទឹករំលាយអាហារ ងាយស្រូបយកសារធាតុចិញ្ចឹមពីអាហារនិងបញ្ហាទល់លាមកដែលជាទាក់ទងនឹងពោះវៀន។

៦ សម្រាប់សក់

សក់សំពោងសក់ស្ងួតឬបែកចុង ដោយគ្រាន់តែយកកន្ទួតព្រៃស្ងោររំងាស់យកទឹក រួចយកមកកក់សក់ជាការស្រេច។ វាអាចធ្វើឲ្យសក់លូតលាស់សក់និងដុះលឿនជាងមុន។

៧ សម្រាប់បេះដូង

ទោះបីជាផ្លែឈើនេះ នេះមានរសជាតិជូរនិងចត់ខ្លះៗ ប៉ុន្តែវាមានភាពផ្អែមល្អែមដល់បេះដូង។ វាមានន័យថាផ្លែឈើនេះអាចគ្រប់គ្រងចរន្តឈាមនិងពង្រឹងសាច់ដុំបេះដូង។ ដំណើរការទាំងពីរនេះរួមចំណែកដល់ប្រព័ន្ធសរសៃឈាមបេះដូងដែលមានសុខភាពល្អ៕

ប្រែសម្រួល៖ សាង ស្រីល័ក្ខ

ប្រភព៖practicalheal

ចុចអាន៖ផ្លែឈើនិងបន្លែពណ៌ក្រហមស្រស់ ហូបជាទៀងទាត់ ដូចនៅឆ្ងាយពីគ្រូពេទ្យ

ចុចអាន៖ផ្លែត្របែកផ្ទុកទៅដោយសារជាតិចិញ្ចឹមជាច្រើន រួមទាំងជំនួយដល់ស្បែកពីខាងក្នុង