សុខភាព

កុំគិតថាឈឺក្បាលសព្វថ្ងៃជារឿងសាមញ្ញ សញ្ញាទាំងនេះអាចបង្ហាញពីអាការជំងឺ ស្រាលនិងធ្ងន់

បានផុស

៥ years មុន

នៅ

ថ្ងៃចន្ទ ១២ កក្កដា ២០២១

ដោយ

អាការឈឺក្បាលសុទ្ធតែឈឺនៅកន្លែងខុសគ្នា នៅផ្នែកខ្លះ តាមសណ្ឋាននិងសុខភាពរបស់យើង។ ដូច្នេះត្រូវចេះកត់សម្គាល់ថា ការឈឺក្បាលដែលបង្ហាញជាញឹកញាប់នោះ ចង់បញ្ជាក់ពីសុខភាពឬយ៉ាងណា។ ជាពិសេសឆាប់ទទួលបានការព្យាបាលត្រឹមត្រូវផងដែរ។

១ ឈឺជុំវិញក្បាល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឈឺក្បាលនៅទីតាំងជុំវិញក្បាល គឺជាការឈឺក្បាលទូទៅដែលបណ្តាលមកពីការឈឺសាច់ដុំនៅជុំវិញក្បាល។ ជាធម្មតាមានទីតាំងនៅជុំវិញថ្ងាសនិងសៀតផ្កាទាំងសងខាង ឬពេលខ្លះមានការរោយកញ្ចឹងក ក៏ដូចជាស្មាដែលត្រូវបានផ្សារភ្ជាប់ជាមួយនឹងភាពតានតឹង។ កាត់បន្ថយស្រ្តេសនិងទុក្ខកង្វល់ខ្លះៗ។

២ ឈឺមួយចំហៀងក្បាល

ការឈឺចាប់នៅក្នុងទីតាំងនេះ នឹងមានការថប់បារម្ភឬប៉ះពាល់ភ្នែកជាដើម ។ ជាពិសេសគឺអ្នកឈឺនឹងមានអាការវិលមុខឬចង់ក្អួតចង្អោរ និងឈឺចាប់នៅបរិវេណនោះញឹកញាប់ ដែលបណ្ដាលមកពីការឈឺក្បាលប្រកាំង។ ជាទូទៅវាកើតឡើងយូរៗម្ដងមិនអីទេ បើញឹកញាប់ គួរទៅពេទ្យពិនិត្យទាន់នៅស្រាល។

៣ ឈឺត្រង់បរិវេណចិញ្ចើមនិងរាលដាលទៅថ្ពាល់

ជាដំបូងឈឺនៅលើថ្ងាស បន្ទាប់ក៏ដល់ប្រហោងឆ្អឹងថ្ពាល់ ទាំងសងខាង ឬជួនកាលឈឺចាប់នៅតំបន់ច្រមុះដែលមានប្រហោងឆ្អឹង។ ការឈឺបែបនេះយូរៗនឹងធ្វើឲ្យឈឺច្រមុះ ឬទៅជាកណ្ដាស់ ដោយមិនដឹងខ្លួន។

៤ ឈឺក្បាលខ្លាំងប៉ះពាល់ដល់ការទំពាអាហារ

ឈឺក្បាលខ្លាំងក៏អាចប៉ះពាល់ដល់ការទំពារអាហារជាប្រចាំថ្ងៃដែរ។ ជាពិសេសវាអាចប៉ះពាល់ដល់ឆ្អឹងថ្គាម ដែលអាចបណ្ដាលឲ្យរលាក ហូបអាហារមិនបានល្អ។ សាករកថ្នាំលេបសិន បើមិនបាត់គួរទៅពេទ្យ ប្រយ័ត្នប៉ះពាល់ដល់ប្រព័ន្ធរំលាយអាហារ។

៥ ការឈឺចាប់ធ្ងន់ធ្ងរនិងភាពមិនធម្មតាជាច្រើន

ឧស្សាហ៏ឈឺក្បាលសឹងរាល់ថ្ងៃ ឬឈឺមិនលោសថ្ងៃ អាចជាហានិភ័យនៃជំងឺដាច់សរសៃឈាមខួរក្បាល ក្នុងករណី ឈឺក្បាលធ្ងន់ធ្ងរឬឈឺខ្លាំងខុសពីធម្មតា។

រោគសញ្ញាឈឺក្បាលញឹកញាប់ អាចថាជាជំងឺដាច់សរសៃឈាមខួរក្បាលឬដុំសាច់ខួរក្បាល ដែលការឈឺក្បាលនៃជំងឺនេះនឹងមើលទៅធ្ងន់ធ្ងរ។ លើសពីនេះទៅទៀត រោគសញ្ញាផ្សេងទៀតរួមមានបញ្ហាចក្ខុ ចក្ខុទ្វេ ចក្ខុព្រិល ស្ពឹក ខ្សោយសាច់ដុំ និងមនុស្សមួយចំនួនអាចជួបប្រទះការប្រកាច់ដែលជារោគសញ្ញាធ្ងន់ធ្ងរ។

មនុស្សជាច្រើនអាចមើលរំលងការឈឺក្បាល ដែលកើតឡើងនៅតំបន់ផ្សេងៗគ្នា ដោយគិតថាសាមញ្ញ ព្រោះពួកគេគិតថា វាអាចជាការឈឺក្បាលដែលបណ្តាលមកពីស្ត្រេសឬឈឺក្បាលប្រកាំងពីការធ្វើការហួសកម្លាំង។ ប៉ុន្តែតាមពិត ការឈឺក្បាលនៅទីតាំងនីមួយៗ ប្រាប់ពីជំងឺផ្សេងៗ។ ដូច្នេះត្រូវសង្កេតរោគសញ្ញាឲ្យបានម៉ត់ចត់ ដើម្បីការពាររាងកាយពីការទទួលរងនៃជំងឺធ្ងន់ធ្ងរ៕

ប្រែសម្រួល៖ សាង ស្រីល័ក្ខ

ចុចអាន៖កុំមើលរំលង! ទឹកដោះគោជាផ្លែឈើមានសារធាតុទឹកច្រើន ជួយបំពេញចន្លោះខ្វះខាតនៃសុខភាពទូទៅ

ចុចអាន៖ជនជាតិអាស៊ីចាត់ទុកទំពាំងឫស្សី ជា ” ស្ដេចបន្លែ ” ប្រឆាំងនឹងជំងឺមហារីកធំៗ រួមទាំងការរលាក