ពិនិត្យឲ្យមែនទែន! អ្នកឆ្លងកូវីដ ចេញរោគសញ្ញាដំបូងខុសៗគ្នា តាមអាយុ

ការស្រាវជ្រាវថ្មីបានរកឃើញថា រោគសញ្ញាដំបូងនៃជំងឺកូវីដ -១៩ គឺមានភាពខុសគ្នាតាមក្រុមអាយុ។

ការស្រាវជ្រាវ ដែលបោះពុម្ពផ្សាយនៅក្នុងទស្សនាវដ្តី Lancet Digital Health គឺត្រូវបានបញ្ចេញដោយអ្នកស្រាវជ្រាវនៅឯសាកលវិទ្យាល័យ King’s College ក្នុងទីក្រុងឡុងដ៍ ដោយប្រើទិន្នន័យពីកម្មវិធីសិក្សារោគសញ្ញាកូវីដ ZOE។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពួកគេបានពិនិត្យរោគសញ្ញាចំនួន១៨ រួមមានទាំងការបាត់បង់ក្លិន, ឈឺទ្រូង, ក្អកជាប់, ឈឺពោះនិងពងបែកនៅលើជើងផងដែរ។

ពួកគេបានរកឃើញថា ចំពោះមនុស្សដែលមានអាយុលើសពី៦០ឆ្នាំឡើង ការបាត់បង់ក្លិនគឺមិនគួរឲ្យកត់សម្គាល់នោះទេ ហើយវាក៏មិនពាក់ព័ន្ធនឹងមនុស្សដែលមានអាយុលើសពី៨០ឆ្នាំដែរ។ ប៉ុន្តែក្រុមមនុស្សវ័យចំណាស់ទាំងនេះ ងាយនឹងមានអាការ រាក។

ចំពោះមនុស្សដែលមានអាយុពី ៤០ ដល់ ៥៩ ឆ្នាំ ការក្អកជាប់ គឺជារោគសញ្ញាដែលគេរកឃើញច្រើនបំផុត ចំណែកអាការគ្រុនក្តៅនិងស្រៀវស្រាញ មិនត្រូវបានគេរកឃើញញឹកញាប់ ដូចមនុស្សដែលមានអាយុ៨០ឆ្នាំឡើងទេ។

ចំពោះមនុស្សដែលមានអាយុពី ១៦ ទៅ ៣៩ ឆ្នាំ ការបាត់បង់ក្លិន, ឈឺទ្រូង, ឈឺពោះ, ដង្ហើមខ្លីនិងឈឺភ្នែក គឺជារោគសញ្ញាទូទៅបំផុត ក្នុងអំឡុងពេលបីថ្ងៃដំបូងនៃការឆ្លងកូវីដ៕

ប្រែសម្រួល៖ Vann Vann

ប្រភព៖ Sky

ចុចអាន៖ តាមដាន! អ្នកចាក់វ៉ាក់សាំងហើយ ឆ្លងកូវីដ ចេញរោគសញ្ញាមួយនេះ ញឹកញាប់បំផុត