សុខភាព

លេប “គ្រាប់ផ្លែឈើ” ចូលក្នុងពោះ មានគ្រោះថ្នាក់ដែរឬទេ?

បានផុស

៥ years មុន

នៅ

ថ្ងៃព្រហស្បតិ៍ ៥ សីហា ២០២១

ដោយ

មនុស្សជាច្រើនបានលេបគ្រាប់ផ្លែឈើចូលទៅក្នុងពោះដោយចៃដន្យ រាប់ចាប់ពីគ្រាប់តូចៗ ដែលយើងចូលចិត្តទំពារលេងឬគ្រាប់ធំៗជាដើម។ គ្រប់គ្នាប្រាកដជាមានចម្ងល់ថា តើវាមានគ្រោះថ្នាក់យ៉ាងណា ក្នុងការលេបគ្រាប់ផ្លែឈើទាំងនោះចូលទៅក្នុងពោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើការលេបគ្រាប់ផ្លែឈើមានគ្រោះថ្នាក់ប៉ុណ្ណា?

គ្រោះថ្នាក់ដល់ផ្លូវដង្ហើម មុនពេលឈានដល់ពោះ គ្រាប់ផ្លែឈើទាំងនេះ មានហានិភ័យនៃការជាប់នឹងក បិទផ្លូវដង្ហើម ហើយបណ្តាលឲ្យថប់ដង្ហើម។ ក្នុងករណីនេះ សូមកុំប្រថុយជីវិតរបស់អ្នកក្នុងរយៈពេលតែប៉ុន្មាននាទីប៉ុណ្ណោះ។ ប្រសិនបើគ្រាប់ដែលជាប់ មិនអាចយកចេញបានទាន់ពេលវេលាទេ គ្រាប់ទាំងនោះនឹងទើរជាប់ក្នុងបំពងក អាចឈឺកឬរលាក់។

ជាពិសេសគ្រាប់ពូជធំៗ និងរឹង អាចបង្កគ្រោះថ្នាក់ដល់ជីវិតយ៉ាងខ្លាំង។ ក្នុងករណីដែលជាប់នៅក្នុងផ្លូវដង្ហើមវាមិនរារាំងការថប់ដង្ហើមទេ ប៉ុន្តែបណ្តាលឲ្យរលាកផ្លូវដង្ហើមធ្វើឲ្យឆ្លងរោគ ដូចជា ការរលាក ក្អកចេញឈាមឬខ្ទុះ អាចមានផលវិបាកដូចជារលាកសួត អាប់សក្នុងសួត ខ្ទុះក្នុង pleurisy ។ ល។

គ្រោះថ្នាក់ដល់បំពង់អាហារនិងពោះវៀន

មិនមានន័យថាគ្រាប់ផ្លែឈើទាំងនេះ ហូរចូលក្រពះពោះវៀនធំ ហើយមិនតែងតែត្រូវបានបញ្ជូនទៅក្រៅរាងកាយតាមលាមកបានដោយជោគជ័យទេ។ ប្រសិនបើវាជាគ្រាប់ធំ អាចជាប់នៅក្នុងបំពង់អាហារក្នុងរយៈពេលយូរ ដោយមិនធ្លាក់ចេញ វាអាចបណ្តាលឲ្យរលាកភ្នាសរំអិលនិងទៅដល់បំពង់អាហារ។

គ្រាប់ផ្លែឈើខ្លះរអិល អាចហូរចូលទៅក្នុងពោះវៀន ប៉ុន្តែនៅតាមផ្លូវ វាអាចត្រូវបានភ្ជាប់ទៅផ្នែកណាមួយ ជាពិសេសពោះវៀនធំ ដែលជារឿយៗត្រូវបានគេរកឃើញថាបិទពោះវៀនបណ្តាលឲ្យស្ទះពោះវៀន ឬប្រសិនបើ វាគឺជាគ្រាប់ពូជមុតស្រួចៗ។ សាច់ផ្លែឈើដែលរអិល ៗ រលាយបាត់ដោយបន្សល់ទុកតែគ្រាប់រឹង ៗ ស្រួច ៗ ដែលអាចបណ្តាលឲ្យមានដំបៅនៅក្នុងពោះវៀនធំ ពោះវៀនតូច ពិបាកបត់ជើង ឬលាមករឹង។ ជាពិសេសអាចបណ្ដាលឲ្យមានការឆ្លងមេរោគនៅក្នុងចរន្តឈាម ហើយមានរោគសញ្ញាកាន់តែធ្ងន់ធ្ងររហូតដល់ស្លាប់ផងដែរ។

តើគួរធ្វើដូចម្តេច ប្រសិនបើអ្នកលេបគ្រាប់ផ្លែឈើដោយចៃដន្យ?

បើវាជាគ្រាប់តូចដូចជាក្រូចក្រូចឆ្មា គ្រាប់ឪឡឹក គ្រាប់ត្របែក ឬគ្រាប់ផ្សេងទៀត ដែលមិនធំជាងនេះ ប្រហែលជាមិនអីទេ។ ជាពិសេសបើវាឆ្លងកាត់ទងសួតនិងបំពង់អាហារចូលទៅក្នុងក្រពះ មិនគួរមានអ្វីត្រូវព្រួយបារម្ភនោះទេ (លុះត្រាតែគ្រាប់ធំៗ ធ្លាក់ចូលទៅក្នុងខ្នែងពោះវៀន រហូតដល់ស្ទះនិងរលាកខ្នែងពោះវៀនកើតឡើង ប៉ុន្តែវាមិនកើតឡើងញឹកញាប់ឬងាយស្រួលនោះទេ) ។

ទោះយ៉ាងណា ប្រសិនបើមានភាពមិនប្រក្រតី ឬមិនស្រួលខ្លួន សូមទៅជួបគ្រូពេទ្យជាបន្ទាន់៕

ប្រែសម្រួល៖ សាង ស្រីល័ក្ខ

ចុចអាន៖អាហារ ៣ មុខ មនុស្សវ័យ ៦០ ឆ្នាំឡើងទៅ គួរពិសារាល់ថ្ងៃកុំអាក់ខាន ដើម្បីជំនួយដល់សុខភាពរាងកាយ

ចុចអាន៖ដំឡូងជ្វា មានអត្ថប្រយោជន៍ដល់រាងកាយ ប្រឆាំងមហារីកនិងកាត់បន្ថយជាតិស្ករក្នុងឈាម