សុខភាព
អ្វីជារោគសញ្ញាកូវីដ-១៩ រយៈពេលវែង? បង្កផលរំខានបែបណា?
រោគសញ្ញាកូវីដ-១៩រយៈពេលវែង ជាអាការនៃជំងឺកូវីដដែលបន្តលេចឡើង ក្រោយពីជាសះស្បើយ។ អ្នកជំងឺកូវីដ-១៩ អាចនឹងធូរស្រាលក្នុងរយៈពេលប៉ុន្មានសប្ដាហ៍ បន្ទាប់ពីជាសះស្បើយថ្មីៗ ប៉ុន្តែក្រោយព្យាបាលជា អ្នកទាំងនោះអាចមានផលវិបាកសុខភាពជាច្រើនខែបន្តទៀត ។
យោងតាមការដកស្រង់សម្ដីពីមន្ត្រីជាន់ខ្ពស់អង្គការសុខភាពពិភពលោក (WHO) វេជ្ជបណ្ឌិត Janet Diaz បានឱ្យដឹងថា បន្ទាប់ពីជាសះស្បើយពីជំងឺកូវីដ-១៩ អ្នកជំងឺអាចជួបផលវិបាកសុខភាពក្នុងរយៈពេលយូរ។ បច្ចុប្បន្នក៏មិនទាន់មានការព្យាបាលច្បាស់លាស់សម្រាប់ផលវិបាកសុខភាព បន្ទាប់ពីជំងឺកូវីដ-១៩ នោះទេ ដោយសារគេមិនទាន់ដឹងពីមូលហេតុជាក់លាក់ដែលបង្កពួកវា។
ក្នុងនោះជាសះស្បើយពីជំងឺកូវីដ-១៩ អាចជួបផលរំខានសុខភាពធំៗ ៣គឺ ពិបាកដកដង្ហើម អស់កម្លាំងឬល្ហិតល្ហៃ និងមានបញ្ហាក្នុងគិតឬពិបាកផ្ចង់អារម្មណ៍។
ចំណែកផលរំខានបន្ទាប់សន្សំផ្សេងទៀតរួមមាន ឈឺទ្រូង ឈឺក្បាល ថប់បារម្ភ ធ្លាក់ទឹកចិត្ត ឈឺសាច់ដុំ គ្រុន បាត់បង់រសជាតិ និងក្លិន។
មនុស្សភាគច្រើននឹងមានរោគសញ្ញាកូវីដ-១៩រយៈពេលវែងចន្លោះពី ៣-៦ ខែ ឬ ៩ ខែ បន្ទាប់ពីជាសះស្បើយ ព្រមទាំងធ្វើឱ្យប៉ះពាល់ខ្លាំងដល់សកម្មភាពប្រចាំថ្ងៃរបស់ពួកគេផងដែរ។ ទោះយ៉ាងណា នៅពុំទាន់មានអ្នកវិទ្យាសាស្រ្តដឹងច្បាស់ពីរយៈពេលជាក់លាក់ឡើយ។
ដូច្នេះដើម្បីចៀសវាងផលវិបាកសុខភាព បន្ទាប់ពីជំងឺកូវីដ-១៩ អ្នកត្រូវអនុវត្តឱ្យបានខ្ជាប់ខ្ជួននូវវិធាន ៣កុំ ៣ការពារ ព្រមទាំងចាក់វ៉ាក់សាំងបង្ការជំងឺកូវីដ-១៩។ ជាពិសេសត្រូវថែរក្សាសុខភាពដោយវិធីសាមញ្ញៗដូចជា ញុំាអាហារ និងភេសជ្ជៈដែលល្អចំពោះសុខភាព សម្រាកឱ្យបានគ្រប់គ្រាន់ ចៀសវាងបារី និងគ្រឿងស្រវឹង ក៏ដូចជាហាត់ប្រាណជាប្រចាំ៕
ប្រែសម្រួល៖ សន្យា
ចុចអាន៖ សកម្មភាពសំខាន់ៗត្រូវតមសិន ក្រោយជាសះស្បើយពីកូវីដ-១៩ភ្លាម
ចុចអាន៖ អ្នកជាសះស្បើយពីកូវីដ រងផលរំខានខ្លាំងជាងអ្នកមិនធ្លាប់ឆ្លង ក្រោយចាក់វ៉ាក់សាំង
-
ព័ត៌មានជាតិ៤ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៤ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ១ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៤ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
សេដ្ឋកិច្ច១ សប្តាហ៍ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៣ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស